________________
सप्तरसमं अज्झयण (आइण्णे)
३४३ मुच्छिय-प्रासाणं परायत्त-पदं २६. तत्थ णं अत्थेगइया आसा जेणेव उक्किट्ठा सद्द-फरिस-रस-रूव-गंधा तेणेव
उवागच्छंति । तेसु उक्किट्ठेसु सद्द-फरिस-रस-रूव-गंधेसु मुच्छिया गढिया गिद्धा
अज्झोववण्णा आसेविउं पयत्ता यावि होत्था ।। २७. तए णं ते आसा ते उक्किट्ठे सद्द-फरिस-रस-रूव-गंधे प्रासेवमाणा तेहिं बहूहिं
कूडेहि य पासेहि य गलएसु य पाएसु य बझंति ।। २८. तए णं ते कोडंबियपुरिसा ते आसे गिण्हंति, गिण्हित्ता एगद्वियाहिं पोयवहणे
संचारेंति, कट्टस्स य' 'तणस्स य पाणियस्स य तंदुलाण य समियस्स य
गोरसस्स य जाव' अण्णेसिं च बहूणं पोयवहणपाउग्गाणं पोयवहणं ° भरेंति ।। २६. तए णं ते संजत्ता-नावावाणियगा दक्खिणाणुकूलेणं वाएणं जेणेव गंभीरए
पोयपट्टणे तेणेव उवागच्छंति, उवागच्छित्ता पोयवहणं लंबेंति, लंबेत्ता ते पासे उत्तारेंति, उत्तारेत्ता जेणेव हत्थिसीसे नयरे जेणेव कणगकेऊ राया तेणेव उवागच्छंति, उवागच्छित्ता करयल परिग्गहियं दसणहं सिरसावत्तं मत्थए
अंजलि कटु जएणं विजएणं° वद्धावेंति ते प्रासे उवणेति ।। ३०. तए णं से कणगकेऊ राया तेसिं संजत्ता-नावावाणियगाणं उस्संक' वियरइ,
सक्कारेइ सम्माणे इ, सक्कारेत्ता सम्माणेत्ता पडिविसज्जेइ ॥ ३१. तए णं से कणगकेऊ राया कोडुबियपुरिसे सद्दावेइ, सद्दावेत्ता सक्कारेइ
सम्माणेइ, सक्कारेत्ता सम्माणेत्ता पडिविसज्जेइ ।। ३२. तए णं से कणगकेऊ राया प्रासमद्दए सद्दावेइ, सद्दावेत्ता एवं वयासी-तुब्भे णं
देवाणुप्पिया ! मम आसे विणएह ॥ ३३. तए णं ते आसमद्दगा तहत्ति पडिसुणेति, पडिसुणेत्ता ते आसे बहूहि मुहबंधेहि
य कण्णबंधेहि य नासाबंधहि य वालबंधेहि य खुरबंधेहि य 'कडगबंधेहि य खलिणबंधेहि य" प्रोवीलणाहि य 'पडयाणेहि य'' अंकणाहि य वेत्तप्पहारेहि य लयप्पहारेहि य कसप्पहारेहि य छिवप्पहारेहि य विणयंति, विणइत्ता
कणगकेउस्स रण्णो उवणेति ॥ ३४. तए णं से कणगकेऊ राया ते प्रासमद्दए सक्कारेइ सम्माणेइ, सक्कारेत्ता
सम्माणेत्ता पडिविसज्जेइ ।
१. सं० पा०-कटुस्स य जाव भरेंति । २. ना० ११८६६ । ३. स० पा०-करयल जाव वद्धाति । ४. उस्सुक्क (क, ग, घ)।। ५. X (क); ° खलीण ° (ख, ग)।
६. अधिलाणेहि (क); पावलणेहि (ख); अहि___ लाणबंधेहि (ग); अहिलाणेहि (घ, वृपा)। ७. X (क); पलियाणेही य (ख)। ८. वित्त ° (ख, ग, घ)। ६. x (ख, ग)।
Jain Education International
For Private & Personal Use Only
www.jainelibrary.org
