________________
३४२
मायाधम्मकहानी च बहूणं घाणिदिय-पा उग्गाणं दवाणं पुंजे य नियरे य करेंति, करेत्ता तेसि परिपेरतेणं पासए ठवेंति, ठवेत्ता निच्चला निप्फंदा तुसिणीया चिटुंति । जत्थ-जत्थ ते आसा पासयंति वा सयंति वा चिटुंति वा तुयटृति वा तत्थ-तत्थ णं ते कोडुंबियपुरिसा गुलस्स जाव पुप्फुत्तर-पउमुत्तराए अण्णेसिं च बहूणं जिभिदियपाउग्गाणं दव्वाणं पंजे य नियरे य करेंति, करेत्ता वियरए खणंति, खणित्ता गलपाणगस्स 'खंडपाणगस्स बोरपाणगस्स'२ अण्णेसिं च बहणं पाणगाणं वियरए भरेंति, भरेत्ता तेसिं परिपेरंतेणं पासए ठवेंति', 'ठवेत्ता निच्चला निप्फंदा तुसिणीया ° चिटुंति । जहि-जहिं च णं ते आसा पासयंति वा सयंति वा चिटुंति वा तुयटृति वा तहिंतहिं च णं ते कोडुंबियपुरिसा बहवे 'कोयवया जाव सिलावट्टया अण्णाणि य फासिदिय-पाउग्गाइं अत्थुय-पच्चत्थुयाई ठवेंति, ठवेत्ता तेसिं परिपेरंतेणं
'पासए ठवेंति, ठवेत्ता निच्चला निप्फंदा तुसिणीया ° चिट्ठति ।। २३. तए णं ते आसा जेणेव ते उक्किट्ठा सद्द-फरिस-रस-रूव-गंधा तेणेव उवागच्छंति ।। अमुच्छिय-आसाणं सायत्त-विहार-पदं २४. तत्थ णं अत्येगइया प्रासा अपुवा णं इमे सद्द-फरिस-रस-रूव-गंधत्ति कटु
तेसु उक्किट्ठेसु सद्द-फरिस-रस-रूव-गंधेसु अमुच्छिया अगढिया अगिद्धा अणज्झोववण्णा तेसि उक्किट्ठाणं सद्द- फरिस-रस-रूव ° -गंधाणं दूरंदूरेणं प्रवक्कमंति । ते णं तत्थ पउर-गोयरा पउर-तणपाणिया निब्भया निरुव्विग्गा
सुहंसुहेणं विहरंति ॥ निगमण-पदं २५. एवामेव समणाउसो ! जो अम्हं निग्गंथो वा निग्गंथी वा पायरिय
उवझायाणं अंतिए मुंडे भवित्ता अगाराप्रो अणगारियं पव्वइए समाणे ° सद्दफरिस-रस-रूव-गंधेसु नो सज्जइ नो रज्जइ नो गिज्झइ नो मुज्झइ नो अज्झोववज्झइ, से णं इहलोए चेव बहूणं समणाणं बहूणं समणीणं बहूणं सावयाणं बहूणं सावियाण य अच्चणिज्जे जाव' चाउरंतं संसारकंतारं वीईवइस्सइ॥
१. सं० पा०-परिपेरतेण जाव चिटुंति । २. खंडपाणगस्स पोरपाणगस्स (क); वोरपाण-
गस्स य खंडपाणगस्स य (ख): खडपाणगस्स
संक्षेपीकरणेऽस्य विपर्ययो जातः । ५. सं० पा०-परिपेरतेण जाव चिटुंति । ६. गंधाति (ख, घ)। ७. सं० पा०- सद्द जाव गंधाणं । ८. सं० पा०-निग्गंथो वा । ६. ना०१।२७६।
३. सं० पा०-ठवेंति जाव चिट्ठति । ४. अस्य सूत्रस्य पूर्वपाठापेक्षया 'कोयवया जाव हंसगन्मा' एवं पाठो यूज्यते । संभवतः
Jain Education International
For Private & Personal Use Only
www.jainelibrary.org
