________________
सोलसमं अज्झयणं (अवरकंका)
३१७ सुहपसुत्तस्स पासायो दोवई देवी न नज्जइ केणइ देवेण वा दाणवेण वा किण्णरेण वा किंपुरिसेण वा महोरगेण वा गंधव्वेण वा हिया वा निया वा अवक्खित्ता वा। तं जो णं देवाणुप्पिया ! दोवईए देवीए सुई वा खुइं वा पत्ति वा परिकहेइ, तस्स णं कण्हे वासुदेवे विउलं अत्थसंपयाणं दलयइ त्ति
कटट घोसणं घोसावेह, घोसावेत्ता एयमाणत्तियं पच्चप्पिणह ।। २२४. तए णं ते कोडुबियपुरिसा जाव'० पच्चप्पिणंति ।। २२५. तए णं से कण्हे वासुदेवे अण्णया अंतोतेउरगए अोरोह'- संपरिवुडे सीहासण
वरगए ° विहरइ ।। दोवईए उवलद्धि-पदं २२६. इमं च णं कच्छुल्लनारए जाव' झत्ति-वेगेण समोवइए। २२७. 'तए णं से कण्हे वासुदेवे कच्छुल्लनारयं एज्जमाणं पासइ, पासित्ता आसणायो
अब्भटेइ, अभद्रुत्ता अग्घेणं पज्जेणं पासणणं उवनिमंतेइ ।। २२८. तए णं कच्छुल्लनारए उदगपरिफोसियाए दब्भोवरिपच्चत्थुयाए भिसियाए
निसीयइ°, निसीइत्ता कण्हं वासुदेवं कुसलोदंतं पुच्छइ॥ २२६. तए णं से कण्हे वासुदेवे कच्छुल्लनारयं एवं वयासी-तुमं णं देवाण प्पिया !
बहणि गामागर"- नगर-खेड-कब्बड-दोणमुह-मडंब-पट्टण-पासम-निगम-संबाहसण्णिवेसाइं आहिंडसि, बहूण य राईसर-तलवर-माडंबिय-कोडुबिय-इब्भ-सेट्रिसेणावइ-सत्थवाहपभिईणं गिहाइं° अणुपविससि, तं अत्थियाइं ते कहिंचि
दोवईए देवीए सुई वा खुई वा पवित्ती वा° उवलद्धा? २३०. तए णं से कच्छुल्लनारए कण्हं वासुदेव एवं वयासो-एवं खलु देवाणुप्पिया !
अण्णया धायइसंडदीवे पुरथिमद्धं दाहिणड्ड-भरहवासं अवरकंका-रायहाणि गए। तत्थ णं मए पउमनाभस्स रण्णो भवणंसि दोवई-देवी-जारिसिया दिट्रपूव्वा
यावि होत्था । २३१. तए णं कण्हे वासुदेवे कच्छुल्लनारयं एवं वयासी-तुब्भं चेव णं देवाणुप्पिया !
एयं पुवकम्मं ॥ २३२. तए णं से कच्छुल्लनारए कण्हेणं वासुदेवेणं एवं वुत्ते समाणे उप्पयणि विज्ज
आवाहेइ, आवाहेत्ता जामेव दिसि पाउन्भूए तामेव दिसि पडिगए।
१. ना० ११६।२२३ । २. सं० पा०--ओरोह जाब विहरइ । ३. ना० १।१६।१८५ । ४. सं० पा०-समोवइए चाव निसीइत्ता।
५. सं० पा०-गामागर जाव अणुपविससि । ६. सं० पा०-सुई वा जाव उवलद्धा। ७. अवरकंक (ग)।
Jain Education International
For Private & Personal Use Only
www.jainelibrary.org
