________________
नायाधम्मकहाओ
२१८.
पिउच्छा कोंती देवो हत्थिणाउरानो नयरामो इहं हव्वमागया तुम्भं दसणं
कंखइ॥ २१७. तए णं ते कोडुंबियपुरिसा जाव' कहेंति ।।
तए णं कण्हे वासुदेवे कोडुंबियपुरिसाणं अंतिए एयमटुं सोच्चा निसम्म हट्ठतुटे हत्थिखंधवरगए' बारवईए नयरीए मझमझेणं जेणेव कोंती देवी तेणेव उवागच्छइ, उवागच्छित्ता हत्थिखंधानो पच्चोरुहइ, पच्चोरहित्ता कोंतीए देवीए पायग्गहणं करेइ, करेत्ता कोंतीए देवीए सद्धि हत्थिखधं दुरुहइ, दुरुहित्ता बारवईए नयरीए मझमझेणं जेणेव सए गिहे तेणेव उवागच्छइ, उवागच्छित्ता
सयं गिहं अणुप्पविसइ॥ २१६. तए णं से कण्हे वासुदेवे कोंति देविं हायं कयवलिकम्म जिमियभुत्तुत्तरागयं'
•वि य णं समाणि आयंतं चोक्खं परमसुइभूयं° सुहासणवरगयं एवं वयासी
संदिसउ णं पिउच्छा ! किमागमणपोयणं? २२०. तए णं सा कोंती देवी कण्हं वासुदेवं एवं वयासी-एवं खलु पुत्ता ! हत्थिणा
उरे नयरे जुहिट्ठिलस्स रण्णो अागासतलए सुहप्पसुत्तस्स पासायो दोवई देवी न नज्जइ केणइ अवहिया •निया' अवविखत्ता वा । तं इच्छामि णं पुत्ता !
दोवईए देवीए सव्वग्रो समंता मग्गण-गवेसणं कयं ॥ २२१. तए णं से कण्हे वासुदेवे कोंति पिउच्छं एवं वयासी-जं नवरं-पिउच्छा !
दोवईए देवीए कत्थइ सुई वा' 'खुइं वा पत्ति वा ° लभामि, तो णं अहं पायालाओ वा भवणानो वा अद्धभरहायो वा समंतओ दोवइं देवि साहत्थि उवणेमि त्ति कटु कोंति पिउच्छं सक्कारेइ सम्माणेइ, सक्कारेत्ता सम्माणेत्ता
पडिविसज्जेइ॥ २२२. तए णं सा कोंती देवी कण्हेणं वासुदेवेणं पडिविसज्जिया समाणी जामेव दिसि
पाउब्भूया तामेव दिसि पडिगया ।। २२३. तए णं से कण्हे वासुदेवे कोडुबियपुरिसे सद्दावेइ, सद्दावेत्ता एवं वयासी
गच्छह णं तुब्भे देवाणुप्पिया ! बारवईए' 'नयरीए सिंघाडग-तिग-चउक्कचच्चर-चउम्मूह-महापहपहेस महया-महया सट्टेणं उरघोसेमाणा-उरघोसेमाणा एवं वयह-एवं खलु देवाणुप्पिया ! जुहिट्ठिलस्स रण्णो अागासतलगंसि
१. ना० १।१६।२१६ । २. °वरगए हयगय (क); °वरगए हयगय
जाव (ख, घ)। पूर्णपाठः अस्याध्ययनस्य
१५७ सूत्रे द्रष्टव्यः । ३. सं० पा०-जिमियभुत्तुत्तरागयं जाव सुहा
सण ।
४. सं० पा.-अवहिया वा जाव अवक्खित्ता। ५. सं० पा०-सुई वा जाव लभामि । ६. सं० पा०-बारवई एवं जहा पंडू तहा
घोसणं घोसावेइ जाव पच्चप्पिणति पंदुस्स जहा।
Jain Education International
For Private & Personal Use Only
www.jainelibrary.org
