________________
सोलसमं अज्झयणं (अवरकंका)
२८६ रत्ता पई पासे अपासमाणी सयणिज्जागो उद्वेइ, दमगपुरिसस्स सव्वओ समंता मग्गण-गवेसणं करेमाणी-करेमाणी वासघरस्स दारं विहाडियं पासइ, पासित्ता एवं वयासी - गए णं से दमगपुरिसे त्ति कटु अोहयमणसंकप्पा' करतल
पल्हत्थमुही अट्टज्झाणोवगया ° झियायइ ।।। ८८. तए णं सा भद्दा कल्लं पाउप्पभायाए रयणीए' उट्ठियम्मि सूरे सहस्सरस्सिम्मि
दिणयरे तेयसा जलंते दासचेडि सद्दावेइ, सद्दावेत्ता एवं' 'वयासी-गच्छह णं
तुमं देवाणुप्पिए ! बहूवरस्स मुहधोवणियं उवणेहि ॥ ८६. तए णं सा दासचेडी भद्दाए सत्थवाहीए एवं वुत्ता समाणी एयमटुं तहत्ति
पडिसुणेइ, पडिसुणेत्ता मुहधोवणियं गेण्हइ, गेण्हित्ता जेणेव वासघरे तेणेव उवागच्छइ, उवागच्छित्ता सूमालियं दारियं प्रोहयमणसंकप्पं करतलपल्हत्थमुहि अट्टज्झाणोवगयं झियायमाणि पासइ, पासित्ता एवं वयासी--किण्णं तुम
देवाणुप्पिए ! अोहयमणसंकप्पा करतलपल्हत्थमुही अट्टज्माणोवगया झियाहि ? १०. तए णं सा सूमालिया दारिया तं दासचेडिं एवं वयासी ---एवं खलु देवाणप्पिए !
दमगपुरिसे ममं सुहपसुत्तं जाणित्ता मम पासाप्रो उद्वेइ, उद्वेत्ता वासघरदुवारं अवंगुणेइ, अवंगुणेत्ता मारामुक्के विव काए जामेव दिसि पाउब्भूए तामेव दिसिं पडिगए। तए णंहं तो मुहुत्तंतरस्स पडिबुद्धा पतिव्वया पइमणुरत्ता पई पासे अपासमाणी सयणिज्जायो उद्धेमि, दमगपुरिसस्स सव्वनो समंता मग्गण-गवेसणं करेमाणी-करेमाणी वासघरस्स दारं विहाडियं पासामि, पासित्ता गए णं से दमगपुरिसे त्ति कटु प्रोहयमणसंकप्पा करतलपल्हत्थमुही अट्टज्माणोवगया
झियायामि ॥ ६१. तए णं सा दासचेडी सूमालियाए दारियाए एयमढे सोच्चा जेणेव सागरदत्ते
सत्थवाहे तेणेव उवागच्छइ, उवागच्छित्ता सागरदत्तस्स एयमढें निवेदेइ ॥ सूमालियाए दाणसाला-पदं ६२. तए णं से सागरदत्ते तहेव संभंते समाणे जेणेव वासघरे तेणेव उवागच्छइ,
उवागच्छित्ता सूमालियं दारियं अंके निवेसेइ, निवेसेत्ता एवं वयासी-अहो णं तुमं पुत्ता ! पुरापोराणाणं' 'दुच्चिण्णाणं दुप्परक्कंताणं कडाणं पावाणं कम्माणं पावगं फलवित्तिविसेसं° पच्चणुब्भवमाणी विहरसि । तं मा णं तुम पुत्ता! अोहयमणसंकप्पा' 'करतलपल्हत्थमुही अट्टज्माणोवगया ° झियाहि ।
१. सं० पा०-ओहयमणसंकप्पा जाव झिया- ४. सं० पा०-पुरापोराणाणं जाव पच्चणुब्भयइ।
माणी। २. पू०-ना० १।१।२४ ।
५. सं० पा०-ओहयमणसंकप्पा जाव झियाहि । ३. सं० पा०-एवं जाव सागरदत्तस्स ।
Jain Education International
For Private & Personal Use Only
www.jainelibrary.org
