________________
सोलसमं अज्झयणं (अवरकका)
२७७
मासक्खमणपारणगंसि सालइयस्स' 'तित्तालाउयस्स बहुसंभारसंभियस्स ° नेहावगाढस्स निसिरणट्ठयाए बहिया निग्गए चिरावेइ। तं गच्छह णं तुन्भे
देवाणुप्पिया ! धम्मरुइस्स अणगारस्स सव्वनो समंता मग्गण-गवेसणं करेह ॥ साहूहि धम्मरुइस्स समाहिमरण-निवेदण-पदं २३. तए णं ते समणा निग्गंथा' 'धम्मघोसाणं थेराणं जाव तहत्ति आणाए विणएणं
वयणं° पडिसुणेति, पडिसुणेत्ता धम्मघोसाणं थेराणं अंतियानो पडिनिक्खमंति, पडिनिक्खमित्ता धम्मरुइस्स अणगारस्स सव्वग्रो समंता मग्गण-गवेसणं करेमाणा जेणेव थंडिले तेणेव उवागच्छंति, उवागच्छित्ता धम्मरुइस्स अणगारस्स सरीरगं निप्पाणं निच्चेटुं जीवविप्पजढं पासंति, पासित्ता हा हा अहो ! अकज्जमिति कटु धम्मरुइस्स अणगारस्स परिनिव्वाणवत्तियं काउस्सग्गं करेंति, धम्मरुइस्स पायारभंडगं गेण्हंति, गेण्हित्ता जेणेव धम्मघोसा थेरा तेणेव उवागच्छति, उवागच्छित्ता गमणागमणं पडिक्कमंति, पडिक्कमित्ता एवं वयासी-एवं खलु अम्हे तुम्भं अंतियाओ पडिनिक्खमामो, सुभूमिभागस्स उज्जाणस्स परिपेरंतेणं धम्मरुइस्स अणगारस्स सव्वयो' 'समंता मग्गणगवसणं ° करेमाणा जेणेव थंडिले तेणेव उवागच्छामो जाव इहं हव्वमागया।
तं कालगए णं भंते ! धम्मरुई अणगारे । इमे से आयारभंडए । धम्मरुइस्स सइसभा-पदं । २४. तए णं ते धम्मघोसा थेरा पुव्वगए उवयोगं गच्छंति, समणे निग्गंथे निग्गंथीयो
य सद्दावेंति, सद्दावेत्ता एवं वयासी-एवं खलु अज्जो ! मम अंतेवासी धम्मरुई नाम अणगारे पगइभए पगइउवसंते पगइपयणकोहमाणमायालोभे मिउमद्दव-संपण्णे अल्लीणे भद्दए ° विणीए मासंमासेणं अणिक्खित्तेणं तवोकम्मेणं अप्पाणं भावेमाणे जाव' नागसिरीए माहणीए गिहं अणुपवितु । तए णं सा नागसिरी माहणी जाव तं सालइयं तित्तालाउयं बहुसंभारसंभियं नेहावगाढं धम्मरुइस्स अणगारस्स पडिग्गहंसि सव्वमेव ° निसिरह। तए णं से धम्मरुई अणगारे अहापज्जत्तमित्ति कटु नागसिरीए माहणीए गिहाम्रो पडिनिक्खमइ जाव' 'समाहिपत्ते कालगए।
१. सं० पा०-सालइयस्स जाव नेहावगाढस्स। २. चिराइते (क); चिरगए (घ)। ३. सं० पा०--निग्गंथा जाव पडिसुणेति । ४. ना० १।१।२६ । ५. सं० पा०-सव्वओ जाव करेमाणा। ६. सं० पा०-पगइभद्दए जाव विणीए । ७. ना० १११६.१३ । ८. सं० पा०-माहणी जाव निसिरह।
६. ना० १।१६।१४ । १०. ना० १११६।१५-२१ । ११. अत्र 'कालं अणवखमाणे विहरइ' इति
पाठो लभ्यते, किन्तु जाव शब्दसमर्पिते २१ सूत्रे 'समाहिपत्ते कालगए' इति पाठो वर्तते । तदनुसारेण अत्रास्माभिः स एव पाठः स्वीकृतः ।
Jain Education International
For Private & Personal Use Only
www.jainelibrary.org
