________________
सोलसमं अज्झयणं (अवरकंका)
२७५ उवागच्छइ, धम्मघोसस्स [धम्मघोसाणं ?] अदूरसामते' अन्नपाणं पडिलेहेइ,
पडिलेहेत्ता अन्नपाणं करयलंसि पडिदंसेइ ।। तित्तालाउय-परिट्ठावण-पदं १६. तए णं धम्मघोसा थेरा तस्स सालइयस्स तित्तालाउयस्स बहसंभारसंभियस्स
नेहावगाढस्स गंधेणं अभिभूया समाणा तो सालइयानो तित्तालाउयायो बहुसंभारसंभियानो नेहावगाढायो एगं बिंदुयं गहाय करयलंसि प्रासादेंति', तित्तगं' खारं कडुयं अखज्जं अभोज विसभूयं जाणित्ता धम्मरुइं अणगारं एवं वयासी-जइ णं तुमं देवाण प्पिया! एयं सालइयं तित्तालाउयं बहसंभार संभियं. नेहावगाढं ग्राहारेसि तो णं तुम अकाले चेव जीवियाग्रो ववरोविज्जसि । तं मा णं तुमं देवाणुप्पिया! इमं सालइयं तित्तालाउयं बहुसंभारसंभियं नेहावगाढं ° आहारेसि, मा णं तुम अकाले चेव जीवियानो ववरोविज्जसि । तं गच्छह णं तुमं देवाणुप्पिया ! इमं सालइयं तित्तालाउयं बहुसंभारसंभियं नेहावगाढं एगंतमणावाए अचित्ते थंडिले परिढुवेहि, अण्णं फासुयं
एसणिज्ज असण-पाण-खाइम-साइमं पडिगाहेत्ता आहारं आहारेहि ॥ १७. तए णं से धम्मरुई अणगारे धम्मघोसेणं थेरेणं एवं वुत्ते समाणे धम्मघोसस्स
थेरस्स अंतियानो पडिनिक्खमइ, पडिनिक्खमित्ता सुभूमिभागानो उज्जाणाम्रो अदूरसामंते थंडिलं पडिलेहेइ, पडिलेहेत्ता तओ सालइयानो तित्तालाउयानो
बहुसंभारसंभियानो नेहावगाढायो एगं बिंदुगं गहाय थंडिलंसि निसिरइ ॥ १८. तए णं तस्स सालइयस्स 'तित्तालाउयस्स बहुसंभारसंभियस्स नेहावगाढस्स"
गंधेणं बहूणि पिपीलिगासहस्साणि पाउब्भूयाणि"। जा जहा य णं पिपीलिगा
आहारेइ, सा तहा अकाले चेव जीवियानो ववरोविज्जइ॥ अहिंसट्ठ तित्तालाउय-भक्खण-पदं १६. तए णं तस्स धम्मरुइस्स अणगारस्स इमेयारूवे अज्झथिए चितिए पत्थिए
मणोगए संकप्पे समुप्पज्जित्था - जइ ताव इमस्स सालइयस्स •तित्तालाउयस्स बहुसंभारसंभियस्स° एगमि बिंदुगंमि पक्खित्तंमि अणेगाइं पिपीलिगासहस्साई
१. अदूरसामते इरियावहियं पडिक्कमइ (घ)। २. आसाएंति (क): आसाइंति (घ)। ३. तित्तं (ख)। ४. अपिज्ज (क)। ५. विसभूयमित्ति (ख)। ६. सं० पा०--सालइयं जाव नेहावगाढं । ७. सं० पा०-सालइयं जाव आहारेसि ।
८. थंडिल्ले (ख)। ६. ताओ (क, ख)। १०. बिंदु (क, ख)। ११. तित्तकडुयस्स बहुनेहावगाढस्स(क, ख, ग, घ)। १२. पाउ (क, ग, घ); पाउब्भूया (ख) । १३. सं.पा.-सालइयस्स जाव एगंमि ।
Jain Education International
For Private & Personal Use Only
www.jainelibrary.org
