________________
२७०
नायाधम्मकहाओ
आहारंति, छायासु वीसमंति। तेसि णं आवाए भद्दए भवइ, तो पच्छा
परिणममाणा-परिणममाणा' अकाले चेव जीवियानो ° ववरोवेति ।। १६. एवामेव समणाउसो ! जो अम्हं निग्गंथो वा निग्गंथो वा आयरिय-उवज्झायाणं
अंतिए मुंडे भवित्ता अगारामो अणगारियं पव्वइए समाणे पंचसु कामगुणेसु सज्जई रज्जइ गिज्झइ मुज्झइ अज्झोववज्जइ, सेणं इहभवे जाव' अणादियं च णं अणवयग्गं दीहमद्धं संसारकंतारं भुज्जो-भुज्जो° अणुपरि
यट्टिस्सइ-जहा व ते पुरिसा ॥ धणस्स अहिच्छत्तागमण-पदं १७. तए णं से धणे सत्थवाहे सगडी-सागडं जोयावेइ, जोयावेत्ता जेणेव अहिच्छत्ता
नयरी तेणेव उवागच्छइ, उवागच्छित्ता अहिच्छत्ताए नयरीए बहिया अग्गुज्जाणे
सत्थनिवेसं करेइ, करेत्ता सगडी-सागडं मोयावेइ ।। १८. तए णं से धणे सत्थवाहे महत्थं महग्धं महरिहं रायारिहं पाहुडं गेण्हइ, गेण्हित्ता
बहुपुरिसेहिं सद्धि संपरिवुडे अहिच्छत्तं नयरिं मझमज्झेणं अणुप्पविसइ, अणुप्पविसित्ता जेणेव कणगकेऊ राया तेणेव उवागच्छइ, उवागच्छित्ता करयल परिग्गहियं सिरसावत्तं मत्थए अंजलि कटु जएणं विजएणं °
वद्धावेइ, वद्धावेत्ता तं महत्थं महग्धं महरिहं रायारिहं पाहुडं उवणेइ ॥ १६. तए णं से कणगकेऊ राया हट्टतुटे धणस्स सत्थवाहस्स तं महत्थं महग्धं महरिहं
रायारिहं पाहुडं पडिच्छइ, पडिच्छित्ता धणं सत्थवाहं सक्कारेइ सम्माणेइ, सक्कारेत्ता सम्माणेत्ता उस्सुक्कं वियरइ, वियरित्ता पडिविसज्जेइ, भंडविणिमयं करेइ, करेत्ता पडिभंडं गेण्हइ, गेण्हित्ता सुहंसुहेणं जेणेव चंपा नयरी तेणेव उवागच्छइ, उवागच्छित्ता मित्त-नाइ-नियग-सयण-संबंधि-परियणेणं सद्धि ° अभिसमण्णागए विपुलाइं माणुस्सगाई •भोगभोगाइं पच्चणुभवमाणे °
विहरइ॥ धणस्स पव्वज्जा-पदं २०. तेणं कालेणं तेणं समएणं थेरागमणं ॥ २१. धणे सत्थवाहे धम्म सोच्चा जेट्टपुत्तं कुडंबे ठावेत्ता पव्वइए सामाइयमाइयाई
एक्कारस अंगाई अहिज्जित्ता, बहूणि वासाणि सामण्णपरियागं पाउणित्ता, मासियाए संलेहणाए अत्ताणं झूसेत्ता, अण्णयरेसु देवलोएसु देवत्ताए उववण्णे।
१. सं० पा०-परिणममाणा जाव ववरोवेंति। ४. सं० पा०-करयल जाव वद्धावेइ। २. सं० पा०-सज्जइ जाव अणुपरियटिस्सइ। ५. सं० पा०-नाइ० । ३. ना० ११३।२४ ।
६. सं० पा०—माणुस्सगाई जाव विहरइ ।
Jain Education International
For Private & Personal Use Only
www.jainelibrary.org
