________________
पण्णरसमं अज्झयण
नंदीफले
उक्खे व-पदं १. जइ णं भंते ! समणेणं भगवया महावी रेणं चोद्दसमस्स नायज्झयणस्स अयमट्टे
पण्णत्ते, पण्ण रसमस्स णं भंते ! नायज्झयणस्स के अटे पण्णत्ते ? २. एवं खलु जंबू ! तेणं कालेणं तेणं समएणं चंपा नाम नयरी होत्था। पुण्णभद्दे
चेइए । जियसत्तू राया ॥ ३. तत्थ णं चंपाए नयरीए धणे नामं सत्थवाहे होत्था–अड्ढे जाव' अपरिभए। ४. तीसे णं चंपाए नयरीए उत्तरपुरस्थिमे दिसीभाए अहिच्छत्ता नाम' नयरी
होत्था-रिद्धस्थिमिय-समिद्धा वण्णो । ५. तत्थ णं अहिच्छत्ताए नयरीए कणगकेऊ नाम राया होत्था-महया वण्णो ' । धणस्स घोसणा-पदं ६. तए णं तस्स धणस्स सत्थवाहस्स अण्णया कयाइ पुव्वरत्तावरत्तकालसमयंसि
इमेयारूवे अज्झथिए चितिए पत्थिए मणोगए संकप्पे समुप्पज्जित्था-सेयं खलु मम विपुलं पणियभंडमायाए अहिच्छत्तं नरि वाणिज्जाए गमित्तए-एवं संपेहेइ, संपेहेत्ता गणिमं च धरिमं च मेज्जं च पारिच्छेज्जं च - चउव्विहं भंडं गेण्हइ, गेण्हित्ता सगडी-सागडं सज्जेइ, सज्जेत्ता सगडी-सागडं भरेइ, भरेत्ता कोडंबियपूरिसे सहावेइ, सद्दावेत्ता एवं वयासी-गच्छह णं तब्भे देवाणप्पिया ! चंपाए नयरीए सिंघाडग जाव' महापहपहेसु [उग्घोसेमाणा-उग्घोसेमाणा?]
१. ना० ११५७। २. नामं (ख, घ)। ३. ओ० सू०१।
४. ओ० सू० १४ । ५. ना० ११११९५।
२६६
Jain Education International
For Private & Personal Use Only
www.jainelibrary.org
