________________
२३३
बारसम अज्झयणं (उदगणाए) २८. तए णं से जियसत्तू सुबुद्धि एवं वयासी-केणं कारणेणं सुबुद्धी ! एस से
फरिहोदए ? २६. तए णं सुबुद्धी जियसत्तु एवं वयासी-एवं खलु सामी ! तुब्भे तया मम
एवमाइक्खमाणस्स भासमाणस्स पण्णवेमाणस्स परूवेमाणस्स एयमद्रं नो सद्दहह । तए णं मम इमेयारूवे अज्झथिए चितिए पत्थिए मणोगए संकप्पे समुपज्जित्था-अहो णं जियसत्तू राया संते तच्चे तहिए अवितहे सब्भूए जिणपण्णत्ते ° भावे नो सद्दहइ नो पत्तियइ नो रोएइ । तं सेयं खलु मम जियसत्तुस्स रण्णो संताणं तच्चाणं तहियाणं अवितहाणं सब्भूयाणं जिणपण्णत्ताणं भावाणं अभिगमणट्ठयाए एयमटुं उवाइणावेत्तए-एवं संपेहेमि, संपेहेत्ता तं चेव जाव' पाणिय-धरियं सद्दावेमि, सद्दावेत्ता एवं वदामि-तुमं णं देवाणुप्पिया ! उदगरयणं जियसत्तुस्स रण्णो भोयणवेलाए उवणेहि । तं एएणं
कारणेणं सामी ! एस से फरिहोदए । जियसत्तुणा जलसोधण-पदं ३०. तए णं जियसत्तू राया सुबुद्धिस्स एवमाइक्खमाणस्स भासमाणस्स पण्णवेमाणस्स
परूवेमाणस्स एयमटुं नो सद्दहइ नो पत्तियइ नो रोएइ, असदहमाणे अपत्तियमाणे अरोएमाणे अभितरठाणिज्जे पुरिसे सद्दावेइ, सद्दावेत्ता एवं वयासी-गच्छह णं तुब्भे देवाणुप्पिया ! अंतरावणानो नवए घडए पडए य गेण्हह जाव' उदगसंभारणिज्जेहिं दबेहिं संभारेह । तेवि तहेव संभारेंति, संभारेत्ता
जियसत्तुस्स उवणेति ॥ जियसत्तुस्स जिण्णासा-पदं ३१. तए णं से जियसत्तू राया तं उदगरयणं करयलंसि आसाएइ, आसाएत्ता
प्रासायणिज्ज जाव' सव्विदियगाय-पल्हायणिज्ज जाणित्ता सुबुद्धि अमच्चं सद्दावेइ, सद्दावेत्ता एवं वयासी-सुबुद्धी ! एए णं तुमे संता तच्चा' तहिया
अवितहासब्भूया भावा को उवलद्धा ? सुबुद्धिस्स उत्तर-पदं ३२. तए णं सुबुद्धी जियसत्तुं एवं वयासी-एए णं सामी ! मए संता' 'तच्चा
तहिया अवितहा सब्भूया ° भावा जिणवयणाओ उवलद्धा ॥
१. सं० पा० -संते जाव भावे । २. सं० पा०-संताणं जाव सन्भूयाणं । ३. ना० १।१२।१६,२० । ४. ना० १।१२।१६,२० ।
५. ना० १।१२।४। ६. सं. पा.-तच्चा जाव सब्भूया। ७. सं० पा०-संता जाव भावा ।
Jain Education International
For Private & Personal Use Only
www.jainelibrary.org
