________________
२३२
भायाधम्मकहानो
उदगसंभारणिज्जेहि दव्वेहिं संभारेइ, संभारेत्ता जियसत्तुस्स रण्णो पाणियघरियं सद्दावेइ, सद्दावेत्ता एवं वयासी-तुमं णं देवाणुप्पिया ! इमं उदगरयणं
गेहाहि, गेण्हित्ता जियसत्तुस्स रण्णो भोयणवेलाए उवणेज्जासि ।। जियसत्तुणा उदगरयणपसंसा-पदं २१. तए णं से पाणिय-घरिए सुबुद्धिस्स एयमटुं पडिसुणेइ', पडिसुणेत्ता तं उदगरयण
गेण्हइ, गेण्हित्ता जियसत्तुस्स रण्णो भोयणवेलाए उवट्ठवेइ ।। २२. तए णं से जियसत्त राया तं विपलं असण-पाण-खाइम-साइमं प्रासाएमाणे
'विसाएमाणे परिभाएमाणे परिभुजेमाणे एवं च णं° विहरइ । जिमियभुत्तुत्तरागए वि य ण समाणे प्रायंते चोक्खे° परमसुइभूए तंसि उदगरयणंसि जायविम्हए ते बहवे राईसर जाव' सत्थवाहपभिइयो एवं वयासी----अहो णं
देवाणुप्पिया ! इमे उदगरयणे अच्छे जाव' सविदियगाय-पल्हायणिज्जे ॥ २३. तए णं ते बहवे राईसर जाव' सत्थवाहपभिइनो एवं वयासी-तहेव णं सामी !
जण्णं तुब्भे वयह-'इमे उदगरयणे अच्छे जाव सव्विदियगाय °.
पल्हायणिज्जे ॥ जियसत्तुणा उदगाणयणपुच्छा-पदं २४. तए णं जियसत्तू राया पाणिय-घरियं सद्दावेइ, सद्दावेत्ता एवं वयासी-एस णं
तुमे देवाणुप्पिया ! उदगरयणे को प्रासादिते ? २५. तए णं से पाणिय-घरिए जियसत्तुं एवं वयासी- एस णं सामी ! मए
उदगरयणे सुबुद्धिस्स अंतियाओ आसादिते ॥ २६. तए णं जियसत्तू सुबुद्धि अमच्चं सद्दावेइ, सद्दावेत्ता एवं वयासी- अहो णं
सुबुद्धी ! केणं कारणेणं अहं तव अणि8 अकंते अप्पिए अमणुण्णे अमणामे जेणं तुम मम कल्लाकल्लिं भोयणवेलाए इमं उदगरयणं न उवट्ठवेसि ? तं एस णं
तुमे देवाणुप्पिया ! उदगरयणे को उवलद्धे ? सुबुद्धिस्स उत्तर-पदं २७. तए णं सुबुद्धी जियसत्तुं एवं वयासी-एस णं सामी ! से फरिहोदए ।
१. पडिसुणाति (ख)। २. सं० पा०-आसाएमाणे जाव विहरइ । ३. सं० पा०-य णं जाव परमसुइभूए। ४. ना०१७।६। ५. ना० १।१२।१६ ।
६. ना० ११७।६। ७. सं० पा०-जाव एवं चेव पल्हायणिज्जे। ८. ना० १।१२।१६। ६. कत्तो (ख); कतो (ग)।
Jain Education International
For Private & Personal Use Only
www.jainelibrary.org
