________________
२३०
नायाधम्मकहाओ सुबुद्धिस्स उवेहा-पदं १५. तए णं से सुबुद्धी अमच्चे' •जियसत्तुस्स रण्णो एयमटुं नो पाढाइ नो परिया
णाइ° तुसिणीए संचिट्ठइ ॥ १६. तए णं से जियसत्तू राया सुबुद्धि अमच्चं दोच्चपि तच्चंपि एवं वयासी- अहो
णं सुबुद्धी ! इमे फरिहोदए अमणुण्णे वण्णेणं अमणुण्णे गंधेणं अमणुण्णे रसेणं अमणुण्णे फासेणं, से जहानामए-अहिमडे इ वा जाव' अमणामतराए चेव
गंधणं पण्णत्ते ॥ १७. तए णं से सुबुद्धी अमच्चे जियसत्तुणा रण्णा दोच्चंपि तच्चपि एवं वुत्ते समाणे
एवं वयासी-नो खलु सामी! अम्हं एयंसि फरिहोदगंसि केइ विम्हए। एवं खलु सामी ! सुब्भिसद्दा वि पोग्गला दुब्भिसद्दत्ताए परिणमंति', 'दुब्भिसद्दा वि पोग्गला सुन्भिसद्दत्ताए परिणमंति। सुरूवा वि पोग्गला दुरूवत्ताए परिणमंति, दुरूवा वि पोग्गला सुरूवत्ताए परिणमंति । सुब्भिगंधा वि पोग्गला दुब्भिगंधत्ताए परिणमंति, दुब्भिगंधा वि पोग्गला सुन्भिगंधत्ताए परिणमंति । सुरसा वि पोग्गला दुरसत्ताए परिणमंति, दुरसा वि पोग्गला सुरसत्ताए परिणमंति । सुहफासा वि पोग्गला दुहफासत्ताए परिणमंति, दुहफासा वि पोग्गला सुहफासत्ताए परिणमंति° । पयोग-वीससा-परिणया वि य णं सामी ! पोग्गला
पण्णत्ता ॥ जियसत्तुस्स विरोध-पदं १८. तए णं जियसत्तू राया सुबुद्धि अमच्चं एवं वयासी-मा णं तुम देवाणुप्पिया !
अप्पाणं च परं च तदुभयं च बहूणि य असब्भावुब्भावणाहिं मिच्छत्ताभिनिवेसेण
य वुग्गाहेमाणे वुप्पाएमाणे विहराहि ॥ सुबुद्धिणा जलसोधण-पदं १६. तए णं सुबुद्धिस्स इमेयारूवे अज्झत्थिए चिंतिए पत्थिए मणोगए संकप्पे समुप्प
ज्जित्था अहो णं जियसत्तू राया संते तच्चे तहिए अवितहे सब्भूए जिणपण्णत्ते भावे नो' उवलभइ । तं सेयं खलु मम जियसत्तुस्स रण्णो संताणं तच्चाणं तहियाणं अवितहाणं सब्भूयाणं जिणपण्णत्ताणं भावाणं अभिगमणद्वयाए एयमद्वं उवाइणावेत्तए-एवं संपेहेइ, संपेहेत्ता पच्चइएहिं पुरिसेहिं सद्धि अंतरावणाओं
१. सं० पा०-अमच्चे जाव तुसिणीए। २. सं० पा०-अहो णं तं चेव । ३. ना० १।१२।३। ४. सं० पा०-परिणमति तं चैव ।
५. सच्चे (ख)। ६. नो सद्दहइ (क)। ७. अभितरावणाओ (क)।
Jain Education International
For Private & Personal Use Only
www.jainelibrary.org
