________________
बारसम अज्झयणं (उदगणाए)
२२६ जियसत्तुं रायं एवं वयासी-नो खलु सामी ! अम्हं एयंसि मणुण्णंसि असणपाण-खाइम-साइमंसि केइ विम्हए। एवं खलु सामी ! सुब्भिसद्दा वि पोग्गला दुब्भिसद्दत्ताए परिणमंति, दुब्भिसद्दा वि पोग्गला सुब्भिसद्दत्ताए परिणमंति। सुरूवा वि पोग्गला दुरूवत्ताए परिणमंति, दुरूवा वि पोग्गला सुरूवत्ताए परिणमंति । सुन्भिगंधा वि पोग्गला दुब्भिगंधत्ताए परिणमंति, दुब्भिगंधा वि पोग्गला सुब्भिगंधत्ताए परिणमंति । सुरसा वि पोग्गला दुरसत्ताए परिणमंति, दुरसा वि पोग्गला सुरसत्ताए परिणमति। सुहफासा वि पोग्गला दुहफासत्ताए परिणमंति, दुहफासा वि पोग्गला सुहफासत्ताए परिणमंति, परोग-वीससा-परिणया वि य ण सामी ! पोग्गला
पण्णत्ता ।। १०. तए णं जियसत्तू राया सुबुद्धिस्स अमच्चस्स एवमाइक्खमाणस्स भासमाणस्स
पण्णवेमाणस्स परूवेमाणस्स एयमटुं नो आढाइ नो परियाणइ तुसिणीए
संचिट्ठइ॥ जियसत्तुणा फरिहोदगस्स गरहा-पदं ११. तए णं से जियसत्तू राया अण्णया कयाइ हाए पासखंधवरगए महयाभड
चडगर-ग्रासवाहिणिपाए' निज्जायमाणे तस्स फरिहोदयस्स अदूरसामंतेणं
वीईवयइ ॥ १२. तए णं जियसत्तू राया तस्स फरिहोदगस्स असुभेणं गंधेणं अभिभूए समाणे
सएणं उत्तरिज्जगेणं आसगं 'पिहेइ, पिहेत्ता" एगंतं अवक्कमइ, अवक्कमित्ता बहवे ईसर जाव' सत्थवाहपभियओ एवं वयासी-अहो णं देवाणुप्पिया ! इमे फरिहोदए अमणुण्णे वण्णेणं अमणुण्णे गंधेणं अमणुण्ण रसेणं अमणुण्णे फासेणं,
से जहानामए–अहिमडे इ वा जाव अमणामतराए चेव गंधेणं पण्णत्ते ।। १३. तए ण ते बहवे ईसर जाव सत्थवाहपभियओ एवं वयासी-तहेव णं तं सामी !
जं णं तुब्भे वयह-अहो णं इमे फरिहोदए अमणुण्णे वण्णेणं अमणुण्णे गंधेणं अमणण्णे रसेणं अमणुण्णे फासेणं, से जहानामए-अहिमडे इ वा जाव अमणाम
तराए चेव गंधेणं पण्णत्ते । १४. तए णं से जियसत्तू राया सुबुद्धि अमच्चं एवं वयासी-अहो णं सुबुद्धी ! इमे
फरिहोदए अमणुण्णे वण्णेणं अमणुण्णे गंधेणं अमणुण्णे रसेणं अमणुण्णे फासेणं,
से जहानामए-अहिमडे इ वा जाव अमणामत राए चेव गंधेणं पण्णत्ते ॥ १. ° वाहणियाए (क)।
५. राईसर (क, ख, घ)। २. पिहइ (क)।
६. ना० ११७।६। ३. ना० ११७६।
७. तुब्भे एवं (क, ख, ग, घ)। ४. ना० १।१२।३।
८,६. ना० १।१२।३।
Jain Education International
For Private & Personal Use Only
www.jainelibrary.org
