________________
२१४
नायाधम्मकहाऔ रयणदीवदेवयाए एयमटुं नो अाढाह नो परियाणह नो अवयक्खह तो भे
रयणदीवदेवयाए हत्थानो साहत्थि नित्थारेमि ॥ ३३. तए णं ते मागंदिय-दारगा सेलगं जक्खं एवं वयासी-जं णं देवाणु प्पिया
वइस्संति' तस्स णं [प्राणा? ] उववाय-वयण-निद्देसे चिट्ठिस्सामो॥ ३४. तए णं से सेलए जक्खे उत्तरपरत्थिमं दिसीभागं अवक्कमइ. अवक्कमित्ता
वेउव्वियसमुग्धाएणं समोहण्णइ, समोहणित्ता संखेज्जाई जोयणाई दंडं निस्सिरइ, दोच्चंपि वेउव्वियसमग्घाएणं समोहण्णइ, समोहणित्ता एगं महं प्रासरूवं विउव्वइ, विउवित्ता मागंदिय-दारए एवं वयासी-हं भो मागंदिय-दारया !
पारुहह णं देवाणुप्पिया ! मम पटुंसि ।। ३५. तए णं ते मागंदिय-दारया हट्ठा सेलगस्स जक्खस्स पणामं करेंति, करेत्ता
सेलगस्स पढे दुरूढा ॥ ३६. तए णं से सेलए ते मागंदिय-दारए पट्टे दुरूढे जाणित्ता सत्तट्ठतलप्पमाणमेत्ताई
उड्ढं वेहासं उप्पयइ, उप्पइत्ता ताए उक्किट्ठाए तुरियाए चवलाए चंडाए दिव्वाए देवगईए लवणसमुहं मझमझेणं जेणेव जंबुद्दीवे दीवे जेणेव भारहे
वासे जेणेव चंपा नयरी तेणेव पहारेत्थ गमणाए । रयणदीवदेवया-उवसग्ग-पदं ३७. तए णं सा रयणदीवदेवया लवणसमुदं तिसत्तखुत्तो अणुपरियट्टइ, जं तत्थ तणं
वा जाव' एगते एडेइ, जेणेव पासायवडेंसए तेणेव उवागच्छइ, उवागच्छित्ता ते मागंदिय-दारए पासायव.सए अपासमाणी जेणेव पुरथिमिल्ले वणसंडे तेणेव उवागच्छइ जाव' सव्वो समंता मग्गण-गवेसणं करेइ, करेत्ता तेसि मागंदिय-दारगाणं कत्थइ सुई वा 'खुइं वा पउत्ति वा अलभमाणी जेणेव उत्तरिल्ले, एवं चेव पच्चथिमिल्ले वि जाव अपासमाणी ओहिं पउंजइ, ते मागंदिय-दारए सेलएणं सद्धि लवणसमुदं मझमझेणं वीईवयमाणे पासइ, पासित्ता आसुरुत्ता असिखेडगं गेण्हइ, गेण्हित्ता सत्त? तलप्पमाणमेत्ताइ उड्ढं वेहासं उप्पयइ, उप्पइत्ता ताए उक्किट्ठाए देवगईए जेणेव मागंदिय-दारया तेणेव उवागच्छइ, उवागच्छित्ता एवं वयासी-हंभो मागंदिय-दारगा ! अपत्थियपत्थया ! किण्णं तुब्भे जाणह ममं विप्पजहाय सेलएणं जक्खेणं सद्धि लवणसमुह मज्झमज्झणं वीईवयमाणा ? तं एवमवि गए। जइ णं तुन्भे ममं
१. वतंति (ख); वत्तंति (ग, घ)। २. पाउप्पयइ (क)। ३. ना० १।९।१६ । ४. ना० १शक्षा२१ ।
५. स० पा०--सुइ वा० । ६. सं० पा०-सत्तट्ट जाव उप्पयइ । ७. पू० -ना० १।६।३६ ।
Jain Education International
For Private & Personal Use Only
www.jainelibrary.org
