________________
नवमं अभयणं ( मायंदी )
पुरत्थिमिल्ले वणसंडे सेलगस्स जक्खस्स जक्खाययणे सेलए नामं ग्रासख्वधारी जक्खे परिवसइ । तए णं से सेलए जक्खे चाउद्दसमुद्दिट्ठपुण्णमासिणीसु श्रागयसमए पत्तसमए महया - महया सद्देणं एवं वदइ- कं तारयामि ? कं पालयामि ? तं गच्छ णं तुभे देवाणुप्पिया ! पुरत्थिमिल्लं वणसंड सेलगस्स जक्खस्स महहिं पुप्फच्चणियं करेह, करेत्ता जन्नुपायवडिया पंजलिउडा' विणणं पज्जुवासमाणा विहरह । जाहे णं से सेलए जक्खे प्रागयसमए पत्तसमए एवं वएज्जा - कं तारयामि ? कं पालयामि ? ताहे तुब्भे 'एवं वदह" - म्हे तारयाहि म्हे पालयाहि । सेलए भे जक्खे परं रयणदीवदेवयाए हत्थाओ साहत्थि नित्थारेज्जा । अण्णहा भे न याणामि इमेसि सरीरगाणं का मण्णे आवई भविस्सइ ?
से लगजक्ख-पदं
२६. तए णं ते मागंदिय दारगा तस्स सूलाइयस्स पुरिसस्स ग्रंतिए एयमट्ठ सोच्चा निसम्मा सिग्घं चंडं चवलं तुरियं वेइयं जेणेव पुरथिमिल्ले वणसंडे जेणेव पोखरणी तेणेव उवागच्छंति, उवागच्छित्ता पोक्खरिणि श्रोगाहेंति, श्रोगाहेत्ता जलमज्जणं करेंति, करेत्ता जाई तत्थ उप्पलाई जाव' ताई गेण्हंति, गेण्हित्ता जेणेव सेलगस्स जक्खस्स जक्खाययणे तेणेव उवागच्छंति, उवागच्छित्ता प्रालोए पणामं करेंति, करेत्ता महरिहं पुप्फच्चणियं करेंति, करेत्ता जन्नुपायवडिया' सुस्सू माणा नमसमाणा पज्जुवासंति ||
३०. तए णं से सेलए जक्खे आगयसमए पत्तसमए एवं वयासी - कं तारयामि ? कं पालयामि ?
३१. तए णं ते मागंदिय दारगा उट्ठाए उट्ठेति, उट्ठेत्ता करयल परिग्गहियं सिरसावत्तं मत्थए अंजलि कट्टु एवं वयासी-ग्रम्हे तारयाहि श्रम्हे पालयाहि ॥
२१३
३२. तए णं से सेलए जक्खे ते मार्गदिय-दारए एवं वयासी - एवं खलु देवाणु - पिया ! तुब्भं मए सद्धि लवणसमुद्दं मज्भंमज्भेणं वीईवयमाणाणं सा रयणदीवदेवया पावा चंडा रुद्दा खुद्दा साहसिया बहूहिं खरएहि य मउएहि य
लोहि पडिलोमेहि य सिगारेहि य कलुणेहि य उवसग्गेहि उवसग्गं करेहिइ । तं जइ णं तुब्भे देवाणुप्पिया ! रयणदीवदेवयाए एयमट्ठ आढाह वा परियाणह वा अवयक्खह वा तो भे ग्रहं पट्टाओ' विहुणामि' | 'ग्रह णं" तुब्भे
१. पंजलियडा (ख); अंजलिउडा ( ग ) । २. चिट्ठह ( क ) ।
३. वदह (क); वइज्जह ( ख ) ।
४. ना० १।२।१४ ।
५. ०पडिया य ( ग ) ।
Jain Education International
६. सं० पा० - करयल ° ।
७. वदइ ( क ) ।
८. पट्टतो ( ख ); पुट्ठाओ (घ ) ।
६. विधुणामि ( क ) ; विहूणामि ( ख ) । १०. ग्रहणं ( ग ) ।
For Private & Personal Use Only
www.jainelibrary.org
