________________
१६०
नायाधम्मकहानो
१६६. तए णं से कुंभए जियसत्तुपामोक्खेहि छहिं राईहिं हय-महिय-पवरवीर
घाइय-विवडियचिंध-धय-पडागे किच्छोवगयपाणे दिसोदिसिं° पडिसेहिए समाणे अत्थामे अबले अवीरिए' 'अपुरिसक्कारपरक्कमे° अधारणिज्जमिति कटु सिग्धं तुरियं' 'चवलं चंडं जइणं वेइयं जेणेव मिहिला तेणेव उवागच्छइ, उवागच्छित्ता मिहिलं अणुपविसइ, अणुपविसित्ता मिहिलाए दुवाराइं पिहेइ,
पिहेत्ता रोहसज्जे चिट्ठइ ।। १६७. तए णं ते जियसत्तुपामोक्खा छप्पि रायाणो जेणेव मिहिला तेणेव उवागच्छंति,
उवागच्छित्ता मिहिलं रायहाणि निस्संचारं निरुच्चारं सव्वप्रो समंता
अोरुभित्ता णं चिट्ठति ॥ १६८. तए णं से कभए राया मिहिलं रायहाणि प्रोरुद्धं जाणित्ता अभितरियाए
उवट्ठाणसालाए सीहासणवरगए तेसि जियसत्तुपामोक्खाणं छह राईणं अंतराणि य छिद्दाणि य 'विवराणि य'' मम्माणि य अलभमाणे बहूहिं पाएहि य उवाएहि य, उप्पत्तियाहि य वेणइयाहि य कम्मयाहि य पारिणामियाहि य-बुद्धोहिं परिणामेमाणे-परिणामेमाणे किंचि आयं वा उवायं वा अलभमाणे
ओहयमणसंकप्पे करतलपल्हत्थमुहे अट्टज्झाणोवगए ° झियायइ ।। मल्लीए चिताहे उ-पुच्छा-पदं १६६. इमं च णं मल्ली विदेहरायवरकन्ना हाया' कयबलिकम्मा कयकोउय
मंगलपायच्छित्ता सव्वालंकारविभूसिया • बहूहिं खुज्जाहिं संपरिवुडा जेणेव
कुंभए तेणेव उवागच्छइ, उवागच्छित्ता कुंभगस्स पायगहणं करेइ । १७०. तए णं कुंभए मल्लि विदेहरायवरकन्नं नो पाढाइ नो परियाणाइ" तुसिणीए
संचिट्ठइ॥ १७१. तए णं मल्लो विदेहरायवरकन्ना कं भगं एवं वयासी-तुब्भे णं तारो !
अण्णया ममं एज्जमाणि" पासित्ता आढाह परियाणाह अंके निवेसेह । इयाणि ताप्रो ! तुब्भे ममं नो पाढाह नो परियाणाह नो अंके ° निवेसेह । किण्णं तूब्भं अज्ज अोहय मणसंकप्पा करतलपल्हत्थमुहा अट्टज्झाणोवगया झियायह ?
१. सं० पा०-हयमहिय जाव पडिसेहिए। ७. सं० पा०-ओहयमण संकप्पे जाव झियायइ। २. सं० पा०-अवीरिए जाव अधारणिज्ज° । ८. सं० पा०-हाया जाव बहहिं। ३. सं० पा०- तुरियं जाव वेइयं ।
६. पू०--ओ० सू० ७० । ४. पवेसेइ (ख, ग, घ)।
१०. द्रष्टव्यम्-१।१।३६ सूत्रम् । ५. विरहाणि य (ग); विरहाणि य विवराणि ११. एज्जमाणं (ख, ग, घ)। सं० पा०
एज्जमाणि जाव निवेसेह। ६. सम्माणि (क, ख, ग) अशुद्धं प्रतिभाति । १२. सं० पा०-ओहय जाव झियायह ।
Jain Education International
For Private & Personal Use Only
www.jainelibrary.org
