________________
१८५
नायाधम्मकहाओ १५८. तए णं छप्पि दूयगा जेणेव मिहिला तेणेव उवागच्छंति, उवागच्छित्ता मिहिलाए
अग्गुज्जाणंसि पत्तेयं-पत्तेयं खंधावारनिवेसं करेंति, करेत्ता मिहिलं रायहाणि अणुप्पविसंति, अणुप्पविसित्ता जेणेव कुंभए तेणेव उवागच्छंति, उवागच्छित्ता पत्तेयं करयल परिग्गहियं सिरसावत्तं मत्थए अंजलिं कटु साणं-साणं राईणं
वयणाइं निवेदेति ॥ कुंभएण दूयाणं असक्कार-पदं १५६. तए णं से कुंभए तेसिं दूयाणं 'अंतियं एयमटुं' सोच्चा आसुरुत्ते 'रुटे कुविए
चंडिक्किए मिसिमिसेमाणे ° तिवलियं भिउडि निडाले साहट्ट एवं वयासीन देमि णं अहं तुब्भं मल्लि विदेहरायवरकन्नं ति कटु ते छप्पि दूए असक्कारिय असम्माणिय अवद्दारेणं' निच्छुभावेइ॥ तए णं ते जियसत्तुपामोक्खाणं छण्हं राईणं दूया कुंभएणं रण्णा 'असक्कारिय असम्माणिय' अवद्दारेणं निच्छुभाविया समाणा जेणेव सगा-सगा जणवया जेणेव 'सयाई-सयाई नगराई जेणेव सया-सया रायाणो तेणेव उवागच्छंति, उवागच्छित्ता करयल परिग्गहियं सिरसावत्तं मत्थए अंजलिं कट्ट° एवं वयासी-एवं खलु सामी! अम्हे जियसत्तुपामोक्खाणं छण्हं राईणं दूया जमगसमगं चेव जेणेव मिहिला तेणेव उवागया जाव" अवदारणं निच्छुभावेइ । “तं न देइ णं सामी! कुंभए मल्लि विदेहरायवरकन्न” साणं-साणं राईणं एयमटुं
निवेदेति ॥ जियसत्तुपामोक्खाणं कुभएणं जुज्झ-पदं १६१. तए णं ते जियसत्तुपामोक्खा छप्पि रायाणो तेसिं दूयाणं अंतिए एयमटुं सोच्चा
निसम्म आसुरुत्ता रुट्टा कुविया चंडिक्किया मिसिमिसेमाणा अण्णमण्णस्स दूयसंपेसणं करेंति, करेत्ता एवं वयासी-एवं खल देवाणप्पिया ! अम्हं छण्डं राईणं दूया जमगसमगं चेव मिहिला तेणेव उवागया जाव" अवद्दारेणं निच्छूढा। तं सेयं खलु देवाणुप्पिया ! कुंभगस्स जत्तं गेण्हित्तए त्ति कटु अण्णमण्णस्स एयमटुं
१. सं० पा०-करयल"। २. निवेसंति (क, ग, घ)। ३. X(ख, ग)। ४. सं० पा०—आसुरत्ते जाव तिवलियं ।। ५. अवदारेणं (क, ख, घ)। ६. असक्कारिय-असम्माणिया (ख, ग)।
७. अवदारेणं (क)। ८. सयाति-सयाति नगराति (ख)। ६. सं० पा०-करयल ° । १०. ना० १।८।१५८,१५६ । ११. ना० ११८।१५८,१५६ । १२. जुत्तं (ख, ग)।
Jain Education International
For Private & Personal Use Only
www.jainelibrary.org
