________________
१५४
नायाधम्मकहाओ
जियसत्तु-राय-पदं १३८. तेणं कालेणं तेणं समएणं पंचाले जणवए। कंपिल्लपुरे नयरे। जियसत्तू नाम
राया पंचालाहिवई । तस्स णं जियसत्तुस्स धारिणीपामोक्खं देवोसहस्सं ओरोहे'
होत्था॥ १३६. तत्थ णं मिहिलाए चोक्खा' नामं परिव्वाइया-रिउव्वेय'- यजुव्वेद-सामवेद
अहव्वणवेद-इतिहासपंचमाणं निघंटुछट्ठाणं संगोवंगाणं सरहस्साणं चउण्हं वेदाणं
सारगा जाव' बंभण्णएस य सत्थेसु सुपरिणिट्रिया यावि होत्था॥ १४०. तए णं सा चोक्खा परिव्वाइया मिहिलाए बहूणं राईसर जाव' सत्थवाहपभिईणं
पुरो दाणधम्मं च सोयधम्मं च तित्थाभिसेयं च आघवेमाणी पण्णवेमाणी
परूवेमाणी उवदंसेमाणी विहरइ॥ १४१. तए णं सा चोक्खा अण्णया कयाइं तिदंडं च कुंडियं च जाव' धाउरत्तानो य
गेण्हइ, गेण्हित्ता परिव्वाइगावसहाम्रो पडिनिक्खमइ, पडिनिक्खमित्ता पविरलपरिव्वाइया-सद्धि संपरिवुडा मिहिलं रायहाणि मज्झमज्झणं जेणेव कंभगस्स रण्णो भवणे जेणेव कन्नतेउरे जेणेव मल्ली विदेहरायवरकन्ना तेणेव उवागच्छइ, उवागच्छित्ता उदयपरिफोसियाए 'दब्भोवरिपच्चत्थुयाए भिसियाए" निसीयइ, निसीइत्ता मल्लीए विदेहरायवरकन्नाए पुरनो दाणधम्मं च सोयधम्मं च
तित्थाभिसेयं च आघवेमाणी पण्णवेमाणी परूवेमाणी उवदंसेमाणी विहरइ॥ १४२. तए णं मल्ली विदेहरायवरकन्ना चोक्खं परिव्वाइयं एवं वयासी-तुब्भण्णं"
चोक्खे ! किंमूलए धम्मे पण्णत्ते ? १४३. तए णं सा चोक्खा परिव्वाइया मल्लि विदेहरायवरकन्नं एवं वयासी-अम्हं
णं देवाणुप्पिए ! सोयमूलए धम्मे पण्णत्ते। जं णं अम्हं किचि असुई भवइ तं णं उदएण य मट्रियाए 'य सुई भवइ । एवं खलु अम्हे जलाभिसेय-पूयप्पाणो°
अविग्घेणं सग्गं गच्छामो । १४४. तए णं मल्ली विदेहरायवरकन्ना चोक्खं परिव्वाइयं एवं वयासी–चोक्खे'२ !
से जहानामए केइ पुरिसे रुहिरकयं वत्थं रुहिरेणं चेव धोवेज्जा, अत्थि णं
१. ओरोहो (क); उवरोहे (ख)। २. चोक्खी (ख)। ३. सं० पा०-रिउव्वेय जाव परिणिट्ठिया। ४. ओ० सू० ६७ । ५. ना० ११५।६। ६. ओ० सू० ११७ । ७. °फासियाए (क, ग)।
८. ° पच्चत्थुयाते भिसियाते (ख, घ)। ६. सं० पा०-दाणधम्मं च जाव विहरइ । १०. तुब्भेणं (ख, घ) अशुद्धं प्रतिभाति । ११. सं० पा०-मट्टियाए जाव प्रविग्घेणं ।
१।५।६० सूत्रे एतत् वर्णनं किञ्चित्
परिवर्तनेन लभ्यते। १२. चोक्खा (ख, घ)।
Jain Education International
For Private & Personal Use Only
www.jainelibrary.org
