________________
अट्ठमं अज्झयणं
मल्ली
उक्खव-पदं १. जइणं भंते ! समणेणं भगवया महावीरेणं जाव' संपत्तेणं सत्तमस्स नायज्झयणस्स
अयमढे पण्णत्ते, अट्ठमस्स णं भंते ! नायज्झयणस्स के अटे पण्णत्ते ? बल-राय-पदं २. एवं खलु जंबू ! तेणं कालेणं तेणं समएणं इहेव जंबुद्दीवे दीवे महाविदेहे वासे
मंदरस्स पव्वयस्स पच्चत्थिमेणं, निसढस्स वासहरपव्वयस्स उत्तरेणं, सोप्रोदाए महानदीए दाहिणणं, सुहावहस्स वक्खारपव्वयस्स पच्चत्थिमेणं, पच्चत्थिम
लवणसमुदस्स पुरथिमेणं, एत्थ णं सलिलावई नामं विजए पण्णत्ते ॥ ३. तत्थ णं सलिलावईविजए वीयसोगा नाम रायहाणी' नवजोयणवित्थिण्णा जाव'
पच्चक्खं देवलोगभूया ॥ तीसे णं वीयसोगाए रायहाणीए उत्तरपुरथिमे दिसीभाए इंदकुंभे नाम उज्जाणे ॥ तत्थ णं वीयसोगाए रायहाणीए बले' नामं राया । तस्स धारिणीपामोक्खं देवीसहस्सं ओरोहे होत्था ।। तए णं सा धारिणी देवी अण्णया कयाइ सीहं सुमिणे पासित्ता णं पडिबुद्धा जाव' महब्बले दारए जाए-उम्मुक्कबालभावे जाव भोगसमत्थे ।।
१. ना० १११७ । २. नलिणावती (वृपा)। ३. °हाणी पण्णत्ता (क, घ)। ४. ना. शश।
५. धीबले (क, ख)। ६. तस्स णं (क)। ७. ओरोहो (क)। ८. भग० ११११३३-१५६ ।
Jain Education International
For Private & Personal Use Only
www.jainelibrary.org
