________________
पंचमं अभयण (सेलगे)
सेलग राय-पदं
४२. तेणं कालेणं तेणं समएणं सेलगपुरे नाम नगरे होत्या । सुभूमिभागे उज्जाणे सेलए राया । पउमावई देवी । मंडुए कुमारे जुवराया |
४३. तस्स णं सेलगस्स पंथगपामोक्खा' पंच मंतिसया होत्था - उप्पत्तियाए वेणइयाए कमाए पारिणामियाए उववेया रज्जधुरं चितयति ॥
४४. थावच्चापुत्ते सेलगपुरे समोसढे । राया निग्गए ||
सेलगस्स गिहिधम्म- पडिवत्ति-पदं
४५. तए णं से सेलए राया थावच्चापुत्तस्स अणगारस्स अंतिर धम्मं सोच्चा निसम्म हट्ट - चित्तमानंदिए पीइमणे परमसोमणस्सिए हरिसवसविसप्पमाणहियए उट्ठाए उट्ठेइ, उट्ठेता थावच्चापुत्तं अणगारं तिक्खुत्तो प्रायाहिण-पयाहिणं करेइ, करेत्ता वंदइ नमसइ, वंदित्ता नमसित्ता एवं वयासी
सहामि णं भंते ! निग्गथं पावयणं । पत्तियामि णं भंते ! निग्गंथं पावयणं ।
रोएमि णं भंते ! निग्गंथं पावयणं । भुमि णं भंते! निग्गंथं पावयणं ।
एवमेयं भंते ! तहमेयं भंते ! अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छियमेयं भंते ! जं णं तुब्भे वदह त्ति कट्टु वंदइ नमसइ, वंदित्ता नमसित्ता एवं वयासी - जहा णं देवाणुप्पियाणं अंतिए बहवे उग्गा उग्गपुत्ता भोगा जाव' इब्भा इब्भपुत्ता चिच्चा हिरण, एवं धणं धन्नं बलं वाहणं कोसं कोट्ठागारं पुरं अंतेउरं, चिच्चा विउलं धणकणग-रयण-मणि-मोत्तिय संख - सिल प्पवाल- संतसार - सावएज्जं विच्छड्डित्ता विगोवइत्ता, दाणं दाइयाणं परिभाइत्ता, मुंडा भवित्ता णं प्रगाराम्रो अणगारियं पव्वइया, तहा णं ग्रहं नो संचाएमि० जाव पव्वइत्तए, अहं णं देवाणुप्पियाणं ग्रंतिए चाउज्जामियं गिहिधम्मं पडिवज्जि - १. मड्डुए (क) सर्वत्र मद्दए ( ग ) ; मदुए (घ ) । २. ० मोक्खाणं (क, ग, घ ) 1 ३. सं० पा० धम्मं सोच्चा जहा ण देवाप्पियाणं अंतिए बहवे उग्गा भोगा जाव चत्ता हिरणं जाव पव्वइया तहा णं अहं णो संचाएमि पव्वइए ।
४. राय० सू० ६८८ ।
५. राय० सू० ६६५ ।
६. अत्र 'पंचाणुव्वइयं' इति पाठः प्रवाहपतितः
Jain Education International
११६
इवाभाति 1 अर्हतोऽरिष्टः समये चतुर्यामधर्मस्य प्रवृत्तिरासीत् । यथा केशिस्वामिना चित्तसारथये चतुर्यामधर्मस्य उपदेशः कृतः (रायपसेणइयं सू० ६६३ ) । चित्तसारथेव्र तस्वीकारेप्यस्य समीक्षा कृतास्ति, द्रष्टव्यं - रायपसेणइयं, ६६५ सूत्रस्य पादटिप्पणम् अत्रापि वस्तुतः 'चा उज्जामियं गिहिधम्मं' इति पाठ: समीचीनः प्रतिभाति ।
For Private & Personal Use Only
www.jainelibrary.org
