________________
पउत्थं अज्झयणं (कुम्म)
१०७ संचाएंति तस्स कुम्मगस्स सरीरस्स किंचि आबाहं वा वाबाहं वा उप्पाइत्तए
छविच्छेयं वा करेत्तए॥ २०. तए णं ते पावसियालगा तं कुम्मगं दोच्चंपि तच्चपि उव्वत्तेति जाव', नो चेव
णं संचायंति तस्स कुम्मगस्स सरीरस्स किंचि आबाहं वा वाबाहं वा °उप्पाइत्तए° छविच्छेयं वा करेत्तए, ताहे संता तंता परितंता निविण्णा समाणा जामेव दिसं पाउब्भया तामेव दिसं पडिगया ।। तए णं से कुम्मए ते पावसियालए चिरगए दूरंगए' जाणित्ता सणियं-सणियं गीवं नीणेइ, नीणेत्ता दिसावलोयं करेइ, करेत्ता जमगसमगं चत्तारि वि पाए नीणेइ, नीणेत्ता ताए उक्किट्ठाए' तुरियाए चवलाए चंडाए सिग्घाए उद्धयाए जइणाए छेयाए ° कुम्मगईए वीईवयमाणे-वीईवयमाणे जेणेव मयंगतीरद्दहे तेणेव उवागच्छइ, उवागच्छित्ता मित्त-नाइ-नियग-सयण-संबंधि
परियणणं सद्धि अभिसमण्णागए यावि होत्था ।। २२. एवामेव समणाउसो ! जो अम्हं समणो वा समणी वा प्रायरिय-उवज्झायाणं
अंतिए मुंडे भवित्ता अगारानो अणगारियं पव्वइए समाणे पंच य से इंदियाई गुत्ताई भवंति', •से णं इहभवे चेव बहूणं समणाणं बहूणं समणीणं बहूणं सावगाणं बहणं सावियाण य अच्चणिज्जे वंदणिज्जे नमसणिज्जे पूयणिज्जे सक्कारणिज्जे सम्माणणिज्जे कल्लाणं मंगलं देवयं चेइयं विणएणं पज्जुवासणिज्जे भवइ। परलोए वि य णं नो बहूणि हत्थच्छेयणाणि य कण्णच्छेयणाणि य नासाछेयणाणि य एवं हिययउप्पायणाणि य वसणुप्पायणाणि य उल्लंबणाणि य पाविहिइ, पूणो अणाइयं च णं अणवदग्गं दीहमद्धं चाउरतं संसारकतारं वीईवइस्सइ
जहा व से कुम्मए गुत्तिदिए । निक्खेव-पदं २३. एवं खलु जंबू ! समणेणं भगवया महावीरेणं चउत्थस्स नायज्झयणस्स अयमढे पण्णत्ते।
–त्ति बेमि ॥
१. ना० ११४।११। २. सं० पा०-वाबाहं वा जाव छविच्छेयं । ३. दूरगए (क, ख, ग, घ)। ४. सं० पा०-उक्किटाए प्फ कुम्मगईए।
अत्र पाठ संक्षेपः 'फ' अनेन संकेतेन
सूचितोस्ति । वृत्तौ पूर्णपाठस्य निर्देशो
लभ्यते । ५. विहरतीति शेषः (व)। ६. सं० पा०–जाव जहा ।
Jain Education International
For Private & Personal Use Only
www.jainelibrary.org
