________________
भगवई
छट्ठो उद्देसो १. पण्णवण २. वेद ३. रागे, ४. कप्प ५. चरित्त ६. पडिसेवणा ७. नाणे। ८. तित्थे ६. लिंग १०. सरीरे, ११. खेत्ते १२. काल १३. गइ १४. संजम
१५. निकासे ॥१॥ १६,१७. जोगुवयोग १८. कसाए, १६. लेसा २०. परिणाम २१. 'बंध
२२. वेदे य। २३. कम्मोदीरण २४. उवसंपजहण्ण, २५. सण्णा य २६. ग्राहारे ॥२॥ २७. भव २८. आगरिसे ,२६,३०. कालंतरे य ३१. समुग्घाय ३२. खेत्त
३३. फुसणा य । ३४. भावे ३५. परिमाणे' खलु', ३६, अप्पावहुयं नियंठाणं ॥३॥ पण्णवण-पद २७८. रायगिहे जाव एवं वयासी-कति णं भंते ! नियंठा पण्णत्ता ?
गोयमा ! पंच नियंठा पण्णत्ता, तं जहा—-पुलाए, बउसे, कुसीले, नियंठे,
सिणाए। २७६. पुलाए णं भंते ! कतिविहे पण्णत्ते ?
गोयमा ! पंचविहे पण्णत्ते, तं जहा-नाणपुलाए, दंसणपुलाए, चरित्तपुलाए,
लिंगपुलाए, ग्रहासुहुमपुलाए नामं पंचमे ।। २८०. बउसे णं भंते ! कतिविहे पण्णत्ते ?
गोयमा ! पंचविहे पण्णत्ते, तं जहा-ग्राभोगबउसे, अणाभोगबउसे, संवुडबउसे,
असंवुडबउसे, अहासुहुमबउसे नामं पंचमे ।। २८१. कुसीले णं भंते ! कतिविहे पण्णते ?
गोयमा ! दुविहे पण्णत्ते, तं जहा-पडिसेवणाकुसीले य, कसायकुसोले य ।। २८२. पडिसेवणाकुसीले णं भंते ! कतिविहे पण्णत्ते ?
गोयमा ! पंचविहे पण्णत्ते, तं जहा-नाणपडिसेवणाकुसोले, दंसणपडिसेवणाकुसीले, चरित्तपडिसेवणाकुसीले, लिंगपडिसेवणाकुसीले, अहासुहुमपडिसेवणा
कुसीले नामं पंचमे ॥ २८३. कसायकुसीले णं भंते ! कतिविहे पण्णत्ते ?
गोयमा ! पंचविहे पण्णत्ते, तं जहा-नाणकसायकुसीले, दंसणकसायकुसीले, चरित्तकसायकुसीले, लिंगकसायकुसीले, अहासुहुमकसायकुसीले नामं पंचमे ॥
३. या (ता)।
१. बंधणे वेदे (ता, ब)। २. परिणामे (अ, स)।
Jain Education International
For Private & Personal Use Only
www.jainelibrary.org
