Page Text
________________
चउवीसइमं सतं (दुवालसमो उद्देसो)
८७३ उक्कोसेणं तिण्णि गाउयाई। तिण्णि इंदियाई। ठिती जहण्णणं अंतोमुहत्तं, उक्कोसेणं एगणपन्नं राइंदियाई। तइयगमए कालादेसेणं जहण्णेणं बावीसं वाससहस्साइं अंतोमुहुत्तमब्भहियाई, उक्कोसेणं अट्ठासीति वाससहस्साई छण्णउयराइंदियसयमब्भहियाई, एवतियं कालं सेवेज्जा, एवतियं कालं गतिरागति करेज्जा। मज्झिमा तिण्णि गमगा तहेव, पच्छिमा वि तिण्णि गमगा तहेव, नवरं -ठिती जहण्णणं एगूणपन्न राइंदियाई, उक्कोसेण वि एगणपन्नं
राइंदियाई। संवेहो उवजुंजिऊण भाणियव्वो १-६ ।। १६०. जइ चउरिदिएहितो उववज्जति ? एवं चेव चउरिदियाण वि नव गमगा
भाणियव्वा, नवरं - एतेसु चेव ठाणेसु नाणत्ता जाणियव्वा। सरीरोगाहणा जहण्णेणं अंगुलस्स असंखेज्जइभागं, उक्कोसेणं चत्तारि गाउयाइं ठिती जहण्णेणं अंतोमुत्तं, उक्कोसेण य छम्मासा । एवं अणुबंधो वि । चत्तारि इंदियाई । सेसं तहेव जाव नवमगमए---कालादेसेणं जहण्णेणं बावीसं वाससहस्साई हिं मासेहि अब्भहियाई, उक्कोसेणं अट्ठासीति वाससहस्साई चउवीसाए मासेहिं
अब्भहियाई, एवतियं कालं सेवेज्जा, एवतियं कालं गतिरागति करेज्जा १-६॥ १६१. जइ पंचिंदियतिरिक्खजोणिएहितो उववज्जति–कि सण्णिपंचिदियतिरिक्ख
जोणिएहितो उववज्जति ? असण्णिपंचिदियतिरिक्खजोणिएहितो उववज्जति ?
गोयमा ! सण्णिपंचिदिय, असण्णिपंचिदिय ।। १६२. जइ असण्णिपंचिदियतिरिक्खजोणिएहितो उववज्जति--कि जलचरेहितो
उववज्जति जाव' किं पज्जत्तएहितो उववज्जति ? अपज्जत्तएहितो उववज्जंति ?
गोयमा ! पज्जत्तएहितो वि उववज्जति, अपज्जत्तएहितो वि उववज्जति ॥ १६३. असण्णिपंचिदियतिरिक्खजोणिए णं भंते ! जे भविए पुढविक्काइएसु उववज्जि
त्तए, से णं भंते ! केवतिकालद्वितीएस उववज्जेज्जा?
गोयमा ! जहण्णेणं अंतोमुत्तद्वितीएसु, उक्कोसेणं बावीसवाससहस्सद्वितीएसु ।। १६४. ते णं भंते ! जीवा एगसमएणं केवतिया उववज्जति ? एवं जहेव बेइंदियस्स
प्रोहियगमए लद्धी तहेव, नवरं - सरीरोगाहणा जहण्णेणं अंगुलस्स असंखेज्जइभागं, उक्कोसेणं जोयणसहस्सं। पंच इंदिया। ठिती अणुबंधो य जहण्णेणं अंतोमुहुत्तं, उक्कोसेणं पुव्वकोडी। सेसं तं चेव। भवादेसेणं जहण्णेणं दो भवग्गहणाई, उक्कोसेणं अट्ठ भवग्गहणाई। कालादेसेणं जहण्णेणं दो अंतोमुहुत्ता, उक्कोसेणं चत्तारि पुव्वकोडीअो अट्ठासीतोए वाससहस्सेहिं अब्भहियाओ,
१. कोसा (ता)। २. छण्णउइं° (स)।
३. भ० २४।४,५। ४. भ० २४।१८४।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |