Page Text
________________
८७२
भगवई
वि, मिच्छादिट्ठी वि, नो सम्मामिच्छादिट्ठी। दो नाणा, दो अण्णाणा नियमं । नो मणजोगी, वइजोगी कायजोगी वि । उवप्रोगो दुविहो वि। चत्तारि सण्णायो। चत्तारि कसाया। दो इंदिया पण्णत्ता, तं जहा ---जिभिदिए य फासिदिए य। तिण्णि समग्घाया। सेसं जहा पढविक्काइयाणं, नवरं-ठिती जहण्णणं अंतोमुहुत्तं, उक्कोसेणं बारस संवच्छराइं। एवं अणुबंधो वि । सेसं तं चेव । भवादेसेणं जहण्णणं दो भवग्गहणाइं, उक्कोसेणं संखेज्जाई भवग्गहणाई। कालादेसेणं जहणणं दो अंतोमुहुत्ता, उक्कोसेणं संखेज्जं कालं, एवतियं कालं
सेवेज्जा, एवतियं कालं गतिरागति करेज्जा १॥ १८५. सो चेव जहण्णकालट्ठितीएसु उववण्णो एस चेव वत्तव्वया सव्वा २॥ १८६. सो चेव उक्कोसकालद्वितीएस उववण्णो एस चेव बंदियस्स लद्धी, नवरं
भवादेसेणं जहण्णणं दो भवग्गहणाइं, उक्कोसेणं अट भवग्गहणाई। कालादेसेणं जहण्णेणं बावीसं वाससहस्साइं अंतोमुहुत्तममहियाई, उक्कोसेणं अट्ठासीति बाससहस्साई अडयालीसाए संवच्छरेहिं अब्भहियाइं, एवतियं काल सेवेज्जा, एवतियं कालं गतिराति करेज्जा ३॥ सो चेव अप्पणा जहण्णकाल द्वितीयो जानो, तस्स वि एस चेव वत्तव्वथा तिसु वि गमएस, नवरं-इमाई सत्त नाणत्ताई-१. सरीरोगाहणा जहा पुढविकाइयाणं २. नो सम्मदिट्ठी, मिच्छादिट्ठी, नो सम्मामिच्छादिट्ठी ३. दो अण्णाणा नियम ४. नो मणजोगी, नो वइजोगी, कायजोगी ५. ठिती जहण्णेणं अंतोमुहुत्तं, उक्कोसेणं वि अंतोमुहत्तं ६. अज्भवसाणा अपसत्था ७. अणबंधो जहा ठिती। संवेहो तहेव आदिल्लेसु दोसु गमएसु, तइयगमए भवादेसो तहेव अट्ठ भवग्गहणाई। कालादेसेणं जहण्णेणं बावीसं वाससहस्साइं अंतोमुत्तमब्भहियाई, उक्कोसेणं अट्ठासीति वाससहस्साई चरहिं अंतोमुहत्तेहि अब्भहियाई, एवतियं काल सेवेज्जा, एवतियं कालं गतिरागति करेज्जा ४-६।।। सो चेव अप्पणा उक्कोसकालद्वितीयो जाग्रो, एयस्स वि प्रोहियगमगसरिसा तिण्णि गमगा भाणियव्वा, नवरं-तिसु वि गमएसु ठिती जहण्णणं बारस संवच्छराई, उक्कोसेण वि बारस संवच्छराई। एवं अणुबंधो वि । भवादेसेणं जहण्णेणं दो भवग्गहणाई, उक्कोसेणं अट्ठ भवग्गहणाइं। कालादेसेणं उवजंजिऊण भाणियव्वं जाव नवमे गमए जहण्णेणं बावीसं वाससहस्साई वारसहि संवच्छरेहिं अब्भहियाई, उक्कोसेणं अट्ठासीति वाससहस्साइं अडयालीसाए संवच्छरेहिं
अब्भहियाई, एवतियं कालं सेवेज्जा, एवतियं कालं गतिरागति करेज्जा ७-६॥ १८६. जइ तेइंदिएहितो उववज्जति०? एवं चेव नव गमगा भाणियव्वा, नवरं
आदिल्लेसु तिसु वि गमएसु सरीरोगाहणा जहण्णेणं अंगुलस्स असंखेज्जइभागं,
१. भ० २४।१८४-१८६ ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |