________________
२८
भगवई
१३७. जं णं भंते ! अत्थित्तं अत्थित्ते गमणिज्जं, नत्थित्तं नत्थित्ते गमणिज्ज, तं कि
पयोगसा? वीससा ? गोयमा ! पयोगसा वि तं [अत्थित्तं अत्थित्ते गमणिज्ज, नत्थित्तं नत्थित्ते गमणिज्ज] ।
वीससा वि तं [अत्थित्तं अत्थित्ते गमणिज्ज, नत्थित्तं नत्थित्ते गमणिज्ज] ॥ १३८. जहा ते भंते ! अत्थित्तं अत्थित्ते गमणिज्ज, तहा ते नत्थित्तं नत्थित्ते गमणिज्जं?
जहा ते नत्थित्तं नत्थित्ते गमणिज्ज, तहा ते अत्थित्तं अत्थित्ते गमणिज्ज ? हंता गोयमा ! जहा मे अत्थित्तं अत्थित्ते गमणिज्ज, तहा मे नत्थित्तं नत्थित्ते गमणिज्ज ।
जहा मे नत्थित्तं नत्थित्ते गमणिज्जं°, तहा मे अत्थित्तं अत्थित्ते गमणिज्जं ॥ भगवमो समता-पदं १३६. जहा ते भंते ! एत्थं गमणिज्जं, तहा ते इहं गमणिज्ज ? जहा ते इहं गमणिज्जं,
तहा ते एत्थं गमणिज्जं? हंता गोयमा ! जहा मे एत्थं गमणिज्ज', 'तहा मे इहं गमणिज्जं । जहा मे इहं
गमणिज्ज°, तहा मे एत्थं गमणिज्ज । कंखामोहणिज्जस्स बंधादि-पदं १४०. जीवा णं भंते ! कंखामोहणिज्जं कम्मं बंधति ?
हंता बंधंति ॥ १४१. कहण्णं भंते ! जीवा कंखामोहणिज्ज कम्म बंधति ?
गोयमा ! पमादपच्चया, जोगनिमित्तं च ।। १४२. से णं भंते ! पमादे किंपवहे ?
गोयमा ! जोगप्पवहे ।। १४३. से णं भंते ! जोए किंपवहे ?
गोयमा ! वीरियप्पवहे ।। १४४. से णं भंते ! वीरिए किंपवहे ?
गोयमा ! सरीरप्पवहे ।। १४५. से णं भंते ! सरीरे किंपवहे ?
गोयमा ! जीवप्पवहे ॥ १४६. एवं सति अत्थि उट्ठाणेइ वा, कम्मेइ वा, बलेइ वा, वीरिएइ वा, पुरिसक्कार
परक्कमेइ वा ॥
१. सं० पा०-गमणिज्जं जाव तहा । २. कहं रणं (अ)।
३. निमित्तयं (क)। ४. किंपभवे (क, वृपा) सर्वत्र ।
Jain Education International
For Private & Personal Use Only
www.jainelibrary.org
