________________
भगवई
१०६. "मणुस्ससंसारसंचिटणकाले णं भंते ! कतिविहे पण्णत्ते ?
गोयमा ! तिविहे पण्णत्ते, तं जहा-सुन्नकाले, असुन्नकाले, मिस्सकाले॥ १०७. देवसंसारसंचिट्ठणकाले णं भंते ! कतिविहे पण्णत्ते ?
गोयमा ! तिविहे पण्णत्ते, तं जहा-सुन्नकाले, असुन्नकाले, मिस्सकाले ।। १०८. एतस्स णं भंते ! नेरइयसंसारसंचिट्ठणकालस्स-सुन्नकालस्स, असुन्नकालस्स,
मीसकालस्स' य कयरे कयरेहितो अप्पे वा ? बहुए वा ? तुल्ले वा ? विसेसाहिए वा?
गोयमा ! सव्वत्थोवे असुन्नकाले, मिस्सकाले अणंतगुणे, सुन्नकाले अणंतगुणे ।। १०६. तिरिक्खजोणियाणं सव्वत्थोवे असुन्नकाले, मिस्सकाले अणंतगुणे ।। ११०. मणुस्स-देवाण य' 'सव्वत्थोवे असुन्नकाले, मिस्सकाले अणंतगुणे, सुन्नकाले
अणंतगुणे ॥ १११. एयस्स णं भंते ! नेरइयसंसारसंचिट्ठणकालस्स', 'तिरिक्खजोणियसंसार
संचिट्ठणकालस्स, मणुस्ससंसारसंचिट्ठणकालस्स, देवसंसारसंचिट्ठणकालस्स कयरे कयरेहितो अप्पे वा ? बहुए वा ? तुल्ले वा ? • विसेसाहिए वा ? गोयमा ! सव्वत्थोवे मणुस्ससंसारसंचिट्ठणकाले, नेरइयसंसारसंचिट्ठणकाले असंखेज्जगुणे, देवसंसारसंचिट्ठणकाले असंखेज्जगुणे, तिरिक्खजोणियसंसारसंचि
टुणकाले अणंतगुणे ॥ अंतकिरिया-पदं ११२. जीवे णं भंते ! अंतकिरियं करेज्जा ?
गोयमा ! अत्थेगइए करेज्जा, अत्थेगइए नो करेज्जा । अंतकिरियापय नेयव्वं । ११३. अह भंते ! असंजयभवियदव्वदेवाणं, अविराहियसंजमाणं, विराहियसंजमाणं,
अविराहियसंजमासंजमाणं, विराहियसंजमासंजमाणं, असण्णीणं, तावसाणं, कंदप्पियाणं, चरग-परिव्वायगाणं, किब्बिसियाणं, तेरिच्छियाण', आजीवियाण अाभियोगियाणं', सलिंगीणं दसणवावण्णगाणं-- एतेसि णं देवलोगेसु उववज्जमाणाणं कस्स कहिं उववाए पण्णत्ते ? गोयमा ! असंजयभवियदव्वदेवाणं जहण्णणं भवणवासीसु, उक्कोसेणं उवरिमगेवेज्जएसु । अविराहियसंजमाणं जहण्णणं सोहम्मे कप्पे, उक्कोसेणं सव्वसिद्धे
विमाणे । विराहियसंजमाणं जहण्णेणं भवणवासीसु, उक्कोसेणं सोहम्मे कप्पे । १. सं० पा०-मणुस्साण य देवाण य जहा ५. ५० २० । नेरइयाणं ।
६. तेरच्छियाणं (अ, ब, स)। २. मीसा (ता, ब, म)। ३. सं० पा०-य जहा नेरइयाणं ।
७. आभियोगियाणं (अ, ब, म); आभोगियारणं ४. सं० पा०-कालस्स जाव देवसंसार जाव (स)।
विसेसाहिए।
Jain Education International
For Private & Personal Use Only
www.jainelibrary.org