Angsuttani Part 02 - Bhagavai

SR No.: 003552
Original Sutra Author: N/A
Author: Tulsi Acharya, Nathmalmuni
Publisher: Jain Vishva Bharati
Publication Year: 1975
Total Pages: 1158
Language: Prakrit
Classification: Book_Devnagari, Agam, Canon, & agam_bhagwati
File Size: 19 MB

Page 849

७८८
भगवई
२१३. सरिसवा ते भंते ! किं भक्खेया ? अभक्खेया ?
सोमिला ! सरिसवा (मे ?) भक्खया वि अभक्खया वि॥ २१४. से केणतुणं भंते ! एवं वुच्चइ-सरिसवा मे भक्खेया वि अभक्खया वि?
से नणं भे सोमिला ! बंभण्णएसु नएसु दुविहा सरिसवा पण्णत्ता, तं जहामित्तसरिसवा य, धन्नसरिसवा य।। तत्थ णं जेते मित्तसरिसवा ते तिविहा पण्णत्ता, तं जहा-'सहजायया. सहवड्ढियया, सहपंसुकीलियया", ते णं समणाणं निग्गंथाणं अभक्खेया। तत्थ णं जेते धन्नसरिसवा ते दुविहा पण्णत्ता, तं जहा-सत्थपरिणया य, असत्थपरिणया य। तत्थ णं जेते असत्थपरिणया ते णं समणाणं निग्गंथाणं अभक्खेया। तत्थ णं जेते सत्थपरिणया ते दुविहा पण्णत्ता, तं जहा-एसणिज्जा य, अणेसणिज्जा य । तत्थ णं जेते अणेसणिज्जा ते समणाणं निग्गंथाणं अभक्खेया । तत्थ णं जेते एसणिज्जा ते दुविहा पण्णत्ता, तं जहा-जाइया य, अजाइया य । तत्थ णं जेते अजाइया ते णं समणाणं निग्गंथाणं अभक्खेया। तत्थ णं जेते जाइया ते दुविहा पण्णत्ता, तं जहा-लद्धा य, अलद्धा य । तत्थ णं जेते अलद्धा ते णं समणाणं निग्गंथाणं अभक्खेया। तत्थ णं जेते लद्धा ते णं समणाणं निग्गंथाणं भक्खेया। से तेणटेणं सोमिला ! एवं वुच्चइ'- सरिसवा मे भक्खेया
वि अभक्खेया वि ॥ २१५. मासा ते भंते ! किं भक्खेया ? अभक्खेया ?
सोमिला ! मासा मे भक्खेया वि, अभक्खेया वि ॥ २१६. से केणद्वेणं' भंते ! एवं वुच्चइ-मासा मे भक्खेया वि ° अभक्खेया वि ?
से नणं भे" सोमिला ! बंभण्णएसु नएसु दुविहा मासा पण्णत्ता, तं जहादव्वमासा य, कालमासा य । तत्थ णं जेते कालमासा ते णं सावणादीया प्रासाढपज्जवसाणा दुवालस पण्णत्ता, तं जहासावणे, भद्दवए, प्रासोए, कत्तिए, मग्गसिरे, पोसे, माहे, फग्गुणे, चेत्ते, वइसाहे, जेट्ठामूले, आसाढे । ते ण समणाणं निग्गंथाणं अभक्खया। तत्थ णं जेते दव्वमासा ते दुविहा पण्णत्ता, तं जहा-अत्थमासा य, धण्णमासा
य।
१. सरिसवया (ना० ११५।७३)। २. सहजायए सहवढियए सहपंसुकीलियए
(अ, क, ख, ता, ब, म)। ३. सं० पा०-वूच्चइ जाव अभक्खेया।
४. सं० पा० -केणट्रेणं जाव अभक्खेया। ५. भंते (अ, ता, ब, म);X(ख)। ६. अस्सोए (अ, क, ता, ब, म)