________________
अट्ठारसमं सतं (सत्तमो उद्देसो) १५५. अत्थि णं भंते ! देवा जे अणंते कम्मसे जहणेणं एक्केण वा दोहिं वा तीहि वा,
उक्कोसेणं पंचहि वाससहस्सेहिं खवयंति ?
हंता अत्थि ॥ १५६. अत्थि णं भंते ! देवा जे अणंते कम्मसे जहण्णणं एक्केण वा दोहि वा तीहिं वा,
उक्कोसेणं पंचहि वाससयसहस्सेहि खवयंति ?
हंता अत्थि ॥ १५७. कयरे णं भंते ! ते देवा जे अणंते कम्मसे जहण्णेणं एक्केण वा जाव पंचहि
वाससएहि खवयंति ? कयरे णं भंते ! ते देवा जाव पंचहि वाससहस्सेहि खवयंति ? कयरे णं भंते ! ते देवा जाव पंचहि वाससयसहस्सेहिं खवयंति ? गोयमा ! वाणमंतरा देवा अणते कम्मसे एगेणं वाससएणं खवयंति । असुरिंदवज्जिया भवणवासी देवा अणंते कम्मसे दोहि वाससएहिं खवयंति । असुरकुमारा देवा अणंते कम्मसे तीहि वाससएहि खवयंति। गह-नक्खत्त-तारारूवा जोइसिया देवा अणंते कम्मसे चउहि वाससएहि खवयंति । चंदिम-सूरिया जोइसिदा जोतिसरायाणो अणते कम्मसे पंचहि वाससएहि खवयंति। सोहम्मीसाणगा देवा अणते कम्मसे एगेणं वाससहस्सेणं खवयंति । सणकुमारमाहिंदगा देवा अणंते कम्मसे दोहिं वाससहस्सेहि खवयंति। एवं एएणं अभिलावेणं बंभलोग-लंतगा देवा अणते कम्मसे तीहि वाससहस्सेहिं खवयंति । महासुक्क-सहस्सारगा देवा अणंते कम्मंसे चउहि वाससहस्सेहि खवयंति । प्राणय-पाणय-प्रारण-अच्चुयगा देवा अणंते कम्मसे पंचहि वाससहस्सेहि खवयंति। हिदिमगेवेज्जगा देवा अणते कम्मसे एगेणं वाससयसहस्सेणं खवयंति । मज्झिमगवेज्जगा देवा अणंत कम्मंस दोहि वाससयसहस्सेहि खवयंति । उवरिमगेवेज्जगा देवा अणते कम्मंसे तिहिं वाससयसहस्सेहि खवयंति । विजय-वेजयंतजयंत-अपराजियगा देवा अणंते कम्मसे चउहि वाससयसहस्सेहिं खवयंति। सद्ववसिद्धगा देवा अणते कम्मसे पंचहि वाससयसहस्सेहि खवयंति । एए णं गोयमा ! ते देवा जे अणते कम्मसे जहण्णेणं एक्केण वा दोहिं वा तीहिं वा, उक्कोसेणं पंचहि वाससएहि खवयंति। एए णं गोयमा ! ते देवा जाव पंचहि वासससहस्सेहिं खवयंति । एए णं गोयमा ! ते देवा जाव पंचहिं
वाससयसहस्सेहिं खवयंति ॥ १५८. सेवं भंते ! सेवं भंते ! त्ति ।।
१. जाव (अ, क, ख, ता, ब, म, स)।
Jain Education International
For Private & Personal Use Only
www.jainelibrary.org
