________________
७७८
भगवई १४६. पुरिसे णं भंते ! अंतरे हत्थेण वा "पादेण वा अंगुलियाए वा सलागाए वा
कटेण वा किलिंचेण वा आमुसमाणे वा संमुसमाणे वा प्रालिहमाणे वा विलिहमाणे वा, अण्णयरेण वा तिक्खेणं सत्थजाएणं आछिंदमाणे वा विछिंदमाणे वा, अगणिकाएण वा समोडहमाणे तेसिं जीवपएसाणं किंचि प्राबाहं वा विबाहं वा उप्पाएइ ? छविच्छेदं वा करेइ ?
नो इणढे समढे ° । नो खलु तत्थ सत्थं कमति ॥ देवासुर-संगाम-पदं १५०. अत्थि णं भंते ! देवासुराणं संगामे,देवासुराणं संगामे ?
हंता अत्थि ॥ १५१.
देवासुरेसु णं भंते ! संगामेसु वट्टमाणेसु किण्णं तेसिं देवाणं पहरणरयणत्ताए परिणमति ? गोयमा ! जण्णं ते देवा तणं वा कटुं वा पत्तं वा सक्करं वा परामुसंति' तण्णं तेसिं देवाणं पहरणरयणत्ताए परिणमति । जहेव देवाणं तहेव असुरकुमाराणं? नो इणढे समट्टे । असुरकुमाराणं निच्चं
विउव्विया पहरणरयणा पण्णत्ता॥ देवस्स दीवसमुद्द-अणुपरियट्टण-पदं १५२. देवे णं भंते ! महिड्ढिए जाव महेसक्खे पभू लवणसमुदं अणुपरियट्टित्ता णं
हव्वमागच्छित्तए?
हंता पभू॥ १५३. देवे णं भंते ! महिड्ढिए "जाव महेसक्खे पभू धायइसंडं दीवं अणुपरियट्टित्ता
णं हव्वमागच्छित्तए ?. हंता पभू । एवं जाव' रुयगवरं दीव 'अणुपरियट्टित्ता णं हव्वमागच्छित्तए ? ०
हंता पभू । तेण परं वीईवएज्जा, नो चेव णं अणुपरियट्टेज्जा। देवाणं कम्मक्खवण-काल-पदं १५४. अत्थि णं भंते ! देवा जे अणते कम्मसे जहण्णेणं एक्केण वा दोहिं वा तीहि वा,
उक्कोसेणं पंचहि वाससएहि खवयंति ? हंता अत्थि ॥
१. सं० पा०-एवं जहा अट्ठमसए ततिए उद्दे- ३. सं० पा०—एवं धायइसंडं दीवं जाव हंता। सए जाव नो।
४. जी०३। २. परामसंति (ख, ता, ब)।
५. सं. पा०-दीवं जाव हता।
Jain Education International
For Private & Personal Use Only
www.jainelibrary.org
