________________
सोलसमं सतं (छट्ठो उद्देसो)
७२७ ७७. सुत्ते णं भंते ! सुविणं पासति ? जागरे सुविणं पासति ? सुत्तजागरे सुविणं
पासति ? गोयमा ! नो सुत्ते सुविणं पासति, नो जागरे सुविणं पासति, सुत्तजागरे सुविणं
पासति ।। ७८. जीवा णं भंते ! कि सुत्ता ? जागरा ? सुत्तजागरा ?
गोयमा ? जीवा सुत्ता वि, जागरा वि, सुत्तजागरा वि ।। ७६. नेरइयाणं भंते ! कि सुत्ता–पुच्छा।
गोयमा ! नेरइया सुत्ता, नो जागरा, नो सुत्तजागरा । एवं जाव' चउरिदिया। ८०. पंचिदियतिरिक्खजोणिया णं भंते ! कि सुत्ता-पुच्छा।
गोयमा ! सुत्ता, नो जागरा, सुत्तजागरा वि । मणुस्सा जहा जीवा । वाणमंतर
जोइसिय-वेमाणिया जहा नेरइया ॥ ८१. संवुडे णं भंते ! सुविणं पासति ? असंवुडे सुविणं पासति ? संवुडासंवुडे सुविणं
पासति ? गोयमा ! संवुडे वि सुविणं पासति, असंवुडे वि सुविणं पासति, संवुडासंवुडे वि सुविणं पासति । संवुडे सुविणं पासति अहातच्चं पासति । असंवुडे सुविणं पासति तहा वा तं होज्जा, अण्णहा वा तं होज्जा। संवुडासंवुडे सुविणं पासति
"तहा वा तं होज्जा, अण्णहा वा तं होज्जा ॥ ८२. जीवा णं भंते ! कि संवुडा ? असंवुडा ? संवुडासंवुडा ?
गोयमा! जीवा संवुडा वि, असंवुडा वि, संवुडासंवुडा वि । एवं जहेव सुत्ताणं
दंडग्रो तहेव भाणियव्वो ॥ ८३. कति णं भंते ! सुविणा पण्णत्ता ?
गोयमा ! बायालीसं सुविणा पण्णत्ता ।। ८४. कति णं भंते ! महासुविणा पण्णत्ता ?
गोयमा ! तीसं महासुविणा पण्णत्ता ।। ८५. कति णं भंते ! सव्वसुविणा पण्णत्ता ?
गोयमा ! बावरि सव्वसुविणा पण्णत्ता ।। ८६. तित्थगरमायरो णं भंते ! तित्थगरंसि गब्भं वक्कममाणंसि कति महासुविणे'
पासित्ता णं पडिबुज्झंति ? गोयमा ! तित्थगरमायरो तित्थगरंसि गन्भं वक्कममाणंसि एएसिं तीसाए महासुविणाणं इमे चोद्दस महासुविणे पासित्ता णं पडिबुझंति, तं जहा—गयउसभ जाव' सिहिं च ॥
१. पू० प० २। २. सं० पा०—एवं चेव ।
३. महासुविणे सुविणे (अ, क, ख, ता, ब) । ४. भ. ११४१४२।
Jain Education International
For Private & Personal Use Only
www.jainelibrary.org
