Page Text
________________
सोलसम सतं (चउत्थो उद्देसो)
७१६ गोयमा ! से जहानामए केइ पुरिसे जुण्णे जराजज्जरियदेहे सिढिलतयावलितरंग-संपिणद्धगत्ते' पविरल-परिसडिय-दंतसेढी उण्हाभिहए तण्हाभिहए आउरे झुसिए' पिवासिए दुब्बले किलंते एगं महं कोसंव-गंडियं सुक्क जडिल' गंठिल्लं चिक्कणं वाइद्धं अपत्तियं मुंडेण परसुणा अक्कमेज्जा, तए णं से पुरिसे महंताईमहंताई सद्दाइं करेइ, नो महंताई-महंताई दलाइं अवद्दालेइ, एवामेव गोयमा ! नेरइयाणं पावाइं कम्माई गाढीकयाइं, चिक्कणीकयाइं, "सिलिट्ठीकयाइं, खिलीभूताइं भवंति । संपगाढं पि य णं ते वेदणं वेदेमाणा नो महानिज्जरा नो महापज्जवसाणा भवंति । से जहानामए केइ पुरिसे अहिकरणि प्राउडेमाणे महया - महया सद्देणं, महयामहया घोसेणं, महया-मया परंपराघाएणं नो संचाएइ, तीसे अहिगरणीए केइ अहाबायरे पोग्गले परिसाडित्तए, एवामेव गोयमा ! नेरइयाणं पावाई कम्माई गाढीकयाइं, चिक्कणीकयाई, सिलट्ठीकयाइं खिलीभूताई भवंति। संपगाढं पि य णं ते वेदणं वेदेमाणा नो महानिज्जरा' नो महापज्जवसाणा भवंति । से जहानामए केइ पुरिसे तरुण बलवं जाव' मेहावी निउणसिप्पोवगए एग महं सामलि-गंडियं उल्लं अजडिलं अगंठिल्लं अचिक्कणं अवाइद्धं सपत्तियं तिक्खेण परसुणा अक्कमेज्जा, तए णं से पुरिसे नो महंताई-महंताई सद्दाइं करेति, महंताइं-महंताई दलाइं अवद्दालेति, एवामेव गोयमा ! समणाणं निग्गंथाणं अहाबादराई कम्माइं सिढिलीकयाई, निट्टियाइं कयाई, विप्परिणामियाई खिप्पामेव परिविद्धत्थाई भवंति जावतियं तावतियं •पि णं ते वेदणं वेदेमाणा महानिज्जरा महापज्जवसाणा भवंति । से जहा वा केइ पुरिसे सुक्कतणहत्थगं जायतेयंसि पक्खिवेज्जा-१ से नणं गोयमा ! से सुक्के तणहत्थगए जायतेयंसि पक्खित्ते समाणे खिप्पामेव मसमसाविज्जति ? हंता मसमसाविज्जति । एवामेव गोयमा ! समणाणं निग्गंथाणं अहाबायराइं कम्माइं, सिढिलीकयाइं, निट्ठियाई कयाई, विप्परिणामियाई खिप्पामेव विद्धत्थाइं भवति । जावतियं तावतियं पिणं ते वेदणं वेदेमाणा महानिज्जरा महापज्जवसाणा भवति ।
१. संविण ° (ख, ता)।
६. सं० पा० महया जाव नो। २. झंझितं (क, ख, म); जुज्झिते (ब); झूरितः ७. भ० १४।३। इति टीकाकारः (वृ)।
८. जाव (अ, क, ख, ता, ब, म, स)। ३. सुक्खं (अ, ख, ता, ब)।
६. सं० पा०-तावतियं जाव महापज्जवसाणा। ४. जटिलं (अ)।
१०. सं० पा०-एवं जहा छट्टसए तहा अयोक५. सं० पा०—एवं जहा छट्टसए जाव नो। वल्ले वि जाव महापज्जवसाणा ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |