________________
भगवई
हंता गोयमा ! जे छिदति' 'तस्स किरिया कज्जति, जस्स छिज्जति नो तस्स
किरिया कज्जति, णण्णत्थेगेणं° धम्मंतराएणं ॥ ५०. सेवं भंते ! सेवं भंते ! त्ति ।।
चउत्थो उद्देसो
नेरइयाणं निज्जरा-पदं ५१. रायगिहे जाव' एवं वयासी
जावतियं णं भंते ! अन्नगिलायए समणे निग्गंथे कम्मं निज्जरेति एवतियं कम्म नरएसु नेरइया वासेण वा वासेहिं वा वाससएण' वा खवयंति ? नो इणद्वे समहूँ। जावतियं णं भंते ! चउत्थभत्तिए समणे निग्गंथे कम्मं निज्जरेति एवतियं कम्म नरएसु नेरइया वाससएण वा वाससएहिं वा वाससहस्सेण वा खवयंति ? नो इणढे समढे । जावतियं णं भंते ! छटुभत्तिए समणे निग्गंथे कम्मं निज्जरेति एवतियं कम्म नरएसु नेरइया वाससहस्सेण वा वाससहस्सेहिं वा वाससयसहस्सेण वा खवयंति ? नो इणट्टे समढे । जावतियं णं भंते ! अट्ठमभत्तिए समणे निग्गथे कम्मं निज्जरेति एवतियं कम्म नरएसु नेरइया वाससयसहस्सेण वा वाससयसहस्सेहिं वा वासकोडीए वा खवयंति ? नो इणढे समढे। जावतियं णं भंते ! दसमभत्तिए समणे निग्गंथे कम्म निज्जरेति एवतियं कम्म नरएसु नेरइया वासकोडीए वा वासकोडीहिं वा वासकोडाकोडीए वा खवयंति ?
नो इण? सम?॥ ५२. से केणट्रेणं भंते ! एवं वुच्चइ-जावतियं अन्नगिलायए समणे निग्गंथे कम्म
निज्जरेति एवतियं कम्मं नरएसु नेरइया वासेण वा वासेहि वा वाससएण वा नो खवयंति, जावतियं चउत्थभत्तिए–एवं तं चेव पुव्वभणियं उच्चारेयव्वं जाव वासकोडाकोडीए वा नो खवयंति ?
१. सं० पाo-छिंदति जाव धम्मंतराएणं। २. भ. ११५१। ३. भ० १।४।१०।
४. वाससएहिं (अ, क, ता, म, स)। ५. वाससहस्सेहिं (क, ता, ब)।
Jain Education International
For Private & Personal Use Only
www.jainelibrary.org
