Page Text
________________
पन्नरसमं सतं
६८५
गोसालस्स संघभेद-पदं ११६. तए णं ते आजीविया थेरा गोसालं मंखलिपुत्तं समणेहिं निग्गंथेहिं धम्मियाए
पडिचोयणाए पडिचोएज्जमाणं, धम्मियाए पडिसारणाए पडिसारिज्जमाणं, धम्मिएणं पडोयारेण य पडोयारेज्जमाणं, अद्वेहि य हेऊहि य' •पसिणेहि य वागरणेहि य कारणेहि य निप्पट्ठपसिणवागरणं' कीरमाणं, प्रासुरुत्तं' •रुटुं कुवियं चंडिककियं ° मिसिमिसेमाणं समणाणं निग्गंथाणं सरीरगस्स किंचि आबाहं वा वाबाहं वा छविच्छेदं वा अकरेमाणं पासंति, पासित्ता गोसालस्स मंखलिपुत्तस्स अंतियाप्रो आयाए अवक्कमंति, अवक्कमित्ता जेणेव समणे भगवं महावीरे तेणेव उवागच्छंति, उवागच्छित्ता समणं भगवं महावीरं तिक्खुत्तो आयाहिण-पयाहिणं करेंति, करेत्ता वंदंति नमसंति, वंदित्ता नमंसित्ता समणं भगवं महावीरं उवसंपज्जित्ताणं विहरति । अत्थेगतिया प्राजीविया थेरा
गोसालं चेव मंखलिपुत्तं उवसंपज्जित्ताणं विहरंति ।। गोसालस्स पडिगमण-पदं १२०. तए णं से गोसाले मंखलिपुत्ते जस्सट्ठाए हव्वमागए तमढे असाहेमाणे', रुंदाई
पलोएमाणे, दीहुण्हाइं नीससमाणे, दाढियाए लोमाइं लुचमाणे, अवडु कंड्यमाणे, पुलि पप्फोडेमाणे, हत्थे विणिद्धणमाणे, दोहि वि पाएहिं भूमि कोट्टेमाणे हा हा अहो ! होहमस्सि त्ति कटु समणस्स भगवो महावीरस्स अंतियानो कोट्टयानो चेइयाप्रो पडिनिक्खमति, पडिनिक्खमित्ता जेणेव सावत्थी नगरी, जेणेव हालाहलाए कभकारीए कुंभकारावणे तेणेव उवागच्छइ, उवागच्छित्ता हालाहलाए कभकारीए कंभकारावणंसि अंबकणगहत्थगए, मज्जपाणगं पियमाणे, अभिक्खणं गायमाणे, अभिक्खणं नच्चमाणे, अभिक्खणं हालाहलाए कंभकारीए अंजलिकम्मं करेमाणे, सीयलएणं मट्टियापाणएणं पायंचिण-उदएणं
गायाइं परिसिंचमाणे विहरइ ।। गोसालेणं नाणासिद्धत-परूवण-पदं १२१. अज्जोति ! समणे भगवं महावोरे समणे निग्गंथे आमंतेत्ता एवं वयासी
जावतिए णं अज्जो ! गोसालेणं मंखलिपुत्तेणं ममं वहाए सरीरगंसि तेये निसट्टे से णं अलाहि पज्जत्ते सोलसण्हं जणवयाणं, तं जहा-१. अंगाणं २. वंगाणं ३. मगहाणं ४. मलयाणं ५. मालवगाणं ६. अच्छाणं ७. वच्छाणं ८. कोच्छाणं
---
--------
१. सं० पा०-हेऊहि य जाव कीरमाणं । २. सं० पाo-आसुरुत्तं जाव मिसि । ३. आसाहेमारणे (ख)।
४. अवटठे (अ, स); अवड्यं (ता)। ५. परिसिंचमाणे २ (ता)। ६. मालवंगाणं (ख); मालवंताणं (ता)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |