Page Text
________________
६८४
भगवई
देवाणुप्पिया ! सावत्थीए नगरीए बहिया कोट्टए चेइए दुवे जिणा संलवंतिएगे वदंति तुमं पुब्बि कालं करेस्ससि, एगे वदंति तुमं पुव्वि कालं करेस्ससि । तत्थ णं के पुण सम्मावादी ? के मिच्छावादी ? तत्थ णं जे से अहप्पहाणे जणे से वदति-समणे भगवं महावीरे सम्मावादी,
गोसाले मंखलिपुत्ते मिच्छावादी ॥ गोसालेण समणाणं पसिणवागरण-पदं ११६. अज्जोति ! समणे भगवं महावीरे समणे निग्गंथे अामंतेत्ता एवं वयासी
अज्जो ! से जहानामए तणरासी इ वा कट्टरासी इ वा पत्तरासी इ वा तयारासी इ वा तुसरासी इ वा भुसरासी इ वा गोमयरासी इ वा अवकररासी इ वा अगणिझामिए अगणिझसिए अगणिपरिणामिए हयतेए गयतेए नट्ठतेए भट्टतेए लुत्ततेए विणट्टतेए जाए', एवामेव गोसाले मंखलिपुत्ते ममं वहाए सरीरगंसि तेयं निसिरित्ता हयतेए गयतेए 'नट्ठतेए भट्ठतेए लुत्ततेए° विणट्टतेए जाए, तं छंदेणं अज्जो ! तुब्भे गोसालं मंखलिपुत्तं धम्मियाए पडिचोयणाए पडिचोएह, धम्मियाए पडिसारणाए पडिसारेह, धम्मिएणं पडोयारेणं पडोयारेह, अटेहि य
हेऊहि य पसिणेहि य वागरणेहि य कारणेहि य निप्पट्ठपसिणवागरणं करेह ।। ११७. तए णं ते समणा निग्गंथा समणेणं भगवया महावीरेणं एवं वुत्ता समाणा समणं
भगवं महावीरं वंदंति नमसंति, वंदित्ता नमंसित्ता जेणेव गोसाले मंखलिपुत्ते तेणेव उवागच्छंति, उवागच्छित्ता गोसालं मंखलिपुत्तं धम्मियाए पडिचोयणाए पडिचोएंति, धम्मियाए पडिसारणाए पडिसारेति, धम्मिएणं पडोयारेणं
पडोयारेति, अटेहि य हेऊहि य' 'कारणेहि य निप्पटुपसिण ° वागरणं करेंति ॥ ११८. तए णं से गोसाले मंखलिपुत्ते समणेहि निग्गंथेहि धम्मियाए पडिचोयणाए
पडिचोइज्जमाणे', 'धम्मियाए पडिसारणाए पडिसारिज्जमाणे, धम्मिएणं पडोयारेण य पडोयारेज्जमाणे, अद्वेहि य हेऊहि य पसिणेहि य वागरणेहि य कारणेहि य° निप्पट्ठपसिणवागरणे कीरमाणे आसुरुत्ते' 'रुटे कुविए चंडिक्किए° मिसिमिसेमाणे नो संचाएति समणाणं निग्गंथाणं सरीरगस्स किंचि आबाहं वा वाबाहं वा उप्पाएत्तए, छविच्छेदं वा करेत्तए ।
१. सम्मावाती (अ, क, ख, ब, स)। २. ज्झामिए (ता, म)। ३. जाव (अ, म, स)। ४. सं० पा०--गयतेए जाव विणट्ठतेए । ५. सं० पा०–हेऊहि य जाव वागरणं ।
६. वाकररणं (अ)। ७. वाकरेंति (अ); वा वागरेंति (ता)। ८. सं० पा०-पडिचोइज्जमाणे जाव निप्पट ६. सं० पा०-आसुरुत्ते जाव मिसि ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |