Page Text
________________
६८२
ए सुनक्खत्ते नामं अणगारे पगइभद्दए जाव' विणीए धम्मायरियाणुरागेणं एमट्ठे असद्दहमाणे उठाए उट्ठेइ, उट्ठेत्ता जेणेव गोसाले मंखलिपुत्ते तेणेंव उवागच्छइ, उवागच्छित्ता गोसालं मंखलिपुत्तं एवं वयासी- जे वि ताव गोसाला ! तहारूवस्स समणस्स वा माहणस्स वा अंतियं एगमवि प्रारियं धम्मियं सुवयणं निसामेति, से वि ताव वंदति नम॑सति सक्कारेति सम्मार्णेति कल्लाणं मंगलं देवयं चेइयं पज्जुवासति, किमंग पुण तुमं गोसाला ! भगवया चेव पव्वाविए, भगवया चेव मुंडाविए, भगवया चेव सेहाविए, भगवया चेव सिक्खाविए, भगया चेव बहुस्सुतीक, भगवग्रो चेव मिच्छं विप्पडिवन्ने ? तं मा एवं गोसाला ! नारिहसि गोसाला ! ° सच्चेव ते सा छाया नो ग्रण्णा ।।
१०८. तए णं से गोसाले मंखलिपुत्ते सुनक्खत्तेणं अणगारेणं एवं वृत्ते समाणे प्रासुरुते रुट्ठे कुविए चंडिक्किए मिसिमिसेमाणे सुनक्खत्तं अणगारं तवेणं तेएणं परितावेइ ॥
भगवई
१०६. तणं से सुनक्खत्ते अणगारे गोसालेणं मंखलिपुत्तेणं तवेणं तेएणं परिताविए समाणे जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो वंदइ नमसइ, वंदित्ता नमसित्ता सयमेव पंच महत्वयाई आरुभेति, आरुभेत्ता समणा य समणीग्रो य खामेइ, खामेत्ता आलोइय-पडिक्कते समाहिपत्ते आणुपुव्वी कालगए ||
गोसाले भगवओ वहाए तेयनिसिरण-पदं
११०. तए णं से गोसाले मंखलिपुत्ते सुनक्खत्तं प्रणगारं तवेणं तेएणं परितावेत्ता तच्चं पि समणं भगवं महावीरं उच्चावयाहिं ग्रासणाहिं आओसइ, उच्चावयाहिं उद्धसणाहि उद्धसेति, उच्चावयाहिं निव्भंछणाहिं निव्भंछेति, उच्चावयाहिं निच्छोडणाहि निच्छो डेति, निच्छोडेंत्ता एवं वयासी-नट्ठे सि कदाइ, विट्ठे सि कदाइ, भट्ठे सिकदाइ, नट्ट विणट्ट-भट्ठे सि कदाइ, अज्ज न भवसि नाहि ते माहिती सुमत्थि ॥
१११. तए णं समणे भगवं महावीरे गोसालं मंखलिपुत्तं एवं वयासी - जे वि ताव गोसाला! तहारूवस्स समणस्स वा माहणस्स वा अंतियं एगमवि आरियं धम्मियं सुवणं निसामेति, से वि ताव वंदति नम॑सति सक्कारेति सम्माणेति कल्लाणं मंगलं देवयं चेइयं ॰पज्जुवासति, किमंग पुण गोसाला ! तुमं मए चेव पव्वाविए',
१. भ० १५ १०४ ।
२. सं० पा० - जहा सव्वाणुभूती तहेव जाव सच्चेव ।
Jain Education International
३. सं० पा० - सव्वं तं चेव जाव सुहमत्थि । ४. सं० पा० - तं चैव जाव पज्जुवासति । ५. सं० पा० - पन्वाविए जाव मए ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |