Page Text
________________
पन्नरसमं सतं
६८१
आपोसणाहिं पाओसइ, उच्चावयाहिं उद्धंसणाहिं उद्धंसेति, उच्चावयाहिं 'निभंछणाहि निभंछेति", उच्चावयाहिं निच्छोडणाहिं निच्छोडेति, निच्छोडेत्ता एवं वयासी- नटे सि कदाइ, विणढे सि कदाइ, भट्ठे सि कदाइ, नट्ठ-विणट्ठ-भट्ठे
सि कदाइ, अज्ज न भवसि, नाहि ते ममाहितो सुहमत्थि ॥ गोसालेण सव्वाणुभूतिस्स भासरासीकरण-पदं १०४. तेणं कालेणं तेणं समएणं समणस्स भगवग्रो महावीरस्स अंतेवासी पाईणजाण
वए सव्वाणुभूती नामं अणगारे पगइभद्दए "पगइउवसंते पगइपयणुकोहमाणमायालोभे मिउमद्दवसंपन्ने अल्लीणे. विणीए धम्मायरियाणुरागेणं एयमद्वं असद्दहमाणे उडाए उट्टेइ, उद्वेत्ता जेणेव गोसाले मंखलिपुत्ते तेणेव उवागच्छइ, उवागच्छित्ता गोसालं मंखलिपुत्ते एवं वयासी-जे वि ताव गोसाला ! तहारूवस्स समणस्स वा माहणस्स वा अंतियं एगमवि पारियं धम्मियं सुवयणं निसामेति, से वि ताव वंदति नमसति' •सक्कारेति सम्माणेति° कल्लाणं मंगलं देवयं चेइयं पज्जुवासति, किमंग पुण तुमं गोसाला ! भगवया चेव पव्वाविए, भगवया चेव मुंडाविए, भगवया चेव सेहाविए, भगवया चेव सिक्खाविए, भगवया चेव बहुस्सुतीकए, भगवनो' चेव मिच्छं विप्पडिवन्ने ? तं मा एवं
गोसाला ! नारिहसि गोसाला ! सच्चेव ते सा छाया नो अण्णा ॥ १०५. तए णं से गोसाले मंखलिपुत्ते सव्वाणुभूतिणा अणगारेणं एवं वुत्ते समाणे आसु
रुत्ते रुढे कुविए चंडिक्किए मिसिमिसेमाणे सव्वाणुभूति अणगारं तवेणं तेएणं
एगाहच्चं कूडाहच्चं भास रासि करेति ॥ १०६. तए णं से गोसाले मंखलिपुत्ते सव्वाणुभूतिं अणगारं तवेणं तेएणं एगाहच्चं कूडा
हच्चं भासरासि करेत्ता दोच्चं पि समणं भगवं महावीरं उच्चावयाहि आप्रोसणाहि आमोसइ', 'उच्चावयाहिं उद्धंसणाहि उद्धंसेति, उच्चावयाहिं निब्भंछणाहिं निब्भंछेति, उच्चावयाहिं निच्छोडणाहिं निच्छोडेंति, निच्छोडेत्ता एवं वयासी-न? सि कदाइ, विणटे सि कदाइ, भट्ठे सि कदाइ, नट्ठ-विणट्ठ-भट्ठे सि कदाइ, अज्ज न
भवसि, नाहि ते ममाहितो° सुहमत्थि ॥ गोसालेण सुनक्खत्तस्स परितावण-पदं १०७. तेणं कालेणं तेणं समएणं समणस्स भगवो महावीरस्स अंतेवासी कोसलजाण
१. णिब्भच्छणाहिं गिब्भच्छेइ (ता)। २. सुहन त्थि (अ, स)। ३. पदीण° (क, म); पडीण ° (ता, ब)। ४. सं० पा०-पगइभद्दए जाव विरणीए।
५. यारियं (अ, ता, ब, म)। ६. सं० पा०-नमंसति जाव कल्लाणं । ७. भगवया (क, ख, ता, ब)। ८. सं० पा०-पाओसइ जाव सुहमत्थि ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |