Page Text
________________
पन्नरसमं सतं
६७५
आणंदथेरस्स भगवनो निवेदरण-पदं ६७. तए णं से आणंदे थेरे गोसालेणं मंखलिपुत्तेणं एवं वुत्ते समाणे भीए जाव' संजाय
भए गोसालस्स मंखलिपुत्तस्स अंतियानो हालाहलाए कुंभकारीए कुंभकारावणाम्रो पडिनिक्खमति, पडिनिक्ख मित्ता सिग्घं तुरियं सावत्थि नगरि मझमज्झेणं निग्गच्छइ, निग्गच्छित्ता जेणेव कोढए चेइए, जेणेव समणे भगवं महावीरे तेणेव उवागच्छइ,उवागच्छित्ता समणं भगवं महावीरं तिक्खुत्तो प्रायाहिण-पयाहिणं करेइ, करेत्ता वंदइ नमसइ, वंदित्ता नमंसित्ता एवं वयासी-एवं खलु अहं भंते ! छटक्खमणपारणगंसि तुब्भेहिं अभणण्णाए समाणे सावत्थीए नगरीए उच्च-नीय.मज्झिमाइं कलाइंघरसमदाणस्स भिक्खायरियाएअडमाणे हालाहलाए कुंभकारीए' कुंभकारावणस्स अदूरसामंते °वीइवयामि, तए णं गोसाले मंखलिपुत्ते ममं हालाहलाए' 'कुंभकारीए कुंभकारावणस्स अदूरसामंतेणं वीइवयमाणं पासित्ता एवं वयासी-एहि ताव आणंदा ! इनो एगं महं उवमियं निसामेहि। तए णं अहं गोसालेणं मखलिपुत्तेणं एवं वुत्ते समाणे जेणेव हालाहलाए कुंभकारीए कुंभकारावणे, जेणेव गोसाले मंखलिपुत्ते, तेणेव उवागच्छामि। तए णं से गोसाले मंखलिपुत्ते ममं एवं वयासी--एवं खलु पाणंदा ! इनो चिरातीयाए अद्धाए केइ उच्चावया वणिया एवं तं चेव सव्वं निरवसेसं भाणियव्वं जाव' नियगं नगरं साहिए । तं गच्छ णं तुम पाणंदा! तव धम्मायरियस्स धम्मोवएसगस्स' 'समणस्स नायपुत्तस्स एयमटुं० परिकहेहि ।। तं पभू णं भंते ! गोसाले मंखलिपुत्ते तवेणं तेएणं एगाहच्चं कूडाहच्चं भासरासिं करेत्तए ? विसए णं भंते ! गोसालस्स मंखलिपुत्तस्स" 'तवेणं तेएणं एगाहच्चं कूडाहच्चं भासरासिं° करेत्तए ? समत्थे णं भंते ! गोसाले मंखलिपुत्ते तवेणं तेणं एगाहच्चं कडाहच्चं भासरासिं करेत्ता? पभू णं आणंदा ! गोसाले मंखलिपुत्ते तवेणं 'तेएणं एगाहच्चं कूडाहच्चं भासरासि ° करेत्तए । विसए णं आणंदा ! गोसालस्स" •मंखलिपुत्तस्स तवेणं तेएणं एगाहच्चं कूडाहच्चं भास रासि ° करेत्तए। समत्थे णं आणंदा ! गोसाले"
१. भ० १५१६६ ।
७. सं० पा०.-मखलिपुत्तस्स जाव करेत्तए। २. सं० पा०-नीय जाव अडमाणे।
८. सं० पा०-गोसाले जाव करेत्तए। ३. सं० पा०-कुभकारीए जाव वीइवयामि । ६. सं० पा०-तवेणं जाव करेत्तए। ४. सं० पा०-हालाहलाए जाव पासित्ता। १०. सं० पा०----गोसालस्स जाव करेत्तए। ५. भ० १५१८५-६५।
११. सं० पा०—गोसाले जाव करेत्तए। ६. सं० पा०-धम्मोवएसगस्स जाव परिकहेहि ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |