Page Text
________________
६७४
भगवई
जाव परूवेमाणस्स एयमटुं नो सद्दहंति, 'नो पत्तियंति" नो रोयंति, एयमटुं असद्दहमाणा अपत्तियमाणा' अरोएमाणा तस्स वम्मीयस्स चउत्थं पि वप्पं भिदंति । ते णं तत्थ उग्गविसं चंडविसं घोरविसं महाविसं 'अतिकायं महाकायं" मसिमूसाकालगं नयणविसरोसपुण्णं अंजणपुंज-निगरप्पगासं रत्तच्छं जमलजुयलचंचलचलंतजीहं धरणितलवेणिभूयं उक्कड-फुड-कुडिल-जडुल-कक्खड-विकडफडाडोवकरणदच्छं लोहागर-धम्ममाण-धमधमेंतघोसं अणागलियचंडतिव्वरोसं
'समुहं तुरियं चवलं धमतं दिट्टीविसं सप्पं संघट्टेति ॥ ६४. तए णं से दिट्ठीविसे सप्पे तेहिं वणिएहि संघट्टिए समाणे आसुरुत्ते रुद्रु कुविए
चंडिक्किए ° मिसिमिसेमाणे सणियं-सणियं उद्वेइ, उद्वेत्ता सरसरसरस्स वम्मीयस्स सिहरतलं द्रुहति', द्रुहित्ता आदिच्चं निझाति, निझाइत्ता ते वणिए
अणिमिसाए दिट्ठीए सव्वग्रो समंता समभिलोएति ।। ६५. तए णं ते वणिया तेणं दिट्ठीविसेणं सप्पेणं अणिमिसाए दिट्ठीए सव्वनो समंता
समभिलोइया समाणा खिप्पामेव सभंडमत्तोवगरणमायाए एगाहच्चं कूडाहच्चं भासरासी कया यावि' होत्था। तत्थ णं जे से वणिए तेसि वणियाणं हियकामए 'सुहकामए पत्थकामए आणुकंपिए निस्सेसिए° हिय-सुह-निस्सेसकामए से णं आणुकंपियाए देवयाए सभंडमत्तोवगरणमायाए नियगं नगरं साहिए । एवामेव आणंदा ! तव वि धम्मायरिएणं धम्मोवएसएणं समणेणं नायपुत्तेणं ओराले परियाए अस्सादिए, अोराला कित्ति-वण्ण-सह-सिलोगा सदेवमण्यासुरे लोए पुव्वंति, गुव्वंति", थुव्वंति"-इति खलु समणे भगवं महावीरे, इति खलू समणे भगवं महावीरे। तं जदि मे से अज्ज किचि वि वदति तो णं तवेणं तेएणं एगाहच्चं कूडाहच्चं भासरासिं करेमि, जहा वा वालेणं ते वणिया। तुमं च णं आणंदा ! सारक्खामि संगोवामि जहा वा से वणिए तेसि वणियाणं हियकामए जाव" निस्सेसकामए आणुकंपियाए देवयाए सभंड' मत्तोवगरणमायाए नियगं नगरं° साहिए । तं गच्छ" णं तुम आणंदा ! तव धम्मायरियस्स धम्मोवएसगस्स समणस्स नायपुत्तस्स एयमटुं परिकहेहि ॥
१. जाव (अ, क, ख, ता, ब, म, स)। २. जाव (अ, क, ख, ता, ब, म, स)। ३. अतिकायमहाकायं (क, ख, ता, म)। ४. ०जवल (अ, ख, ब, स)। ५. समुहि तुरियचवलं (अ, क, ख, ता, ब);
समुदियतुरियचवलं (वृ)। ६. सं० पा०-ग्रासुरुत्ते जाव मिसि ।। ७. दुहेति (क, ता, म); दुरुहति (स)। ८. वि (क, ता, ब)।
६. सं० पा० हियकामए जाव हिय । १०. x (अ, क, ख, ता); गुवंति (ब, म)। ११. तुवंति (क, ख); X (ब, म); 'थुवंति'
त्ति क्वचित्, क्वचित् 'परिभमंती' ति दश्यते
(व)। १२. भ० १५१२। १३. सं० पा०—सभंड जाव साहिए। १४. गच्छाहि (ब, म)।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |