Page Text
________________
पन्नरसमं सतं
६५. तए णं अहं गोयमा ! गोसालस्स मंखलिपुत्तस्स अणुकंपणट्टयाए वेसियायणस्स
बालतवस्सिस्स उसिणतेयपडिसाहरणट्टयाए' एत्थ णं अंतरा सीयलियं तेयलेस्सं निसिरामि, जाए सा ममं सोयलियाए तेयलेस्साए वेसियायणस्स बालतवस्सिस्स
उसिणा' तेयलेस्सा पडिहया ॥ ६६. तए णं से वेसियायणे बालतवस्सी ममं सीयलियाए तेयलेस्साए साउसिणं
तेयलेस्सं पडिहयं जाणित्ता गोसालस्स मंखलिपुत्तस्स सरीरगस्स किचि प्राबाहं वा वाबाहं वा छविच्छेदं वा अकोरमाणं पासित्ता साउसिणं तेयलेस्सं पडिसा
हरइ, पडिसाहरित्ता ममं एवं वयासी–से गतमेयं भगवं ! गत-गतमेयं भगवं ! ६७. तए णं गोसाले मंखलिपुत्ते ममं एवं वयासो -किं णं भंते ! एस जयासिज्जा
यरए तुम्भे एवं वयासी-से गतमेयं भगवं ! गत-गतमेयं भगवं ? ६८. तए णं अहं गोयमा ! गोसाल मंखलिपुत्तं एवं बयासी-तुम णं गोसाला !
वेसियायणं बालतवस्सि पाससि, पासित्ता ममं अंतियानो सणियं-सणियं पच्चोसक्कसि, जेणेव वेसियायणे बालतवस्सी तेणेव उवागच्छसि, उवागच्छित्ता वेसियायणं बालतवस्सि एवं वयासी-कि भवं मुणो ? मुणिए ? उदाह जूयासेज्जायरए ? तए णं से वेसियायणे बालतवस्सी तव एयमद्वं नो आढाति, नो परिजाणति, तुसिणीए संचिट्ठइ । तए णं तुम गोसाला ! वेसियायणं बालतवस्सि दोच्चं पि तच्चं पि एवं वयासी-किं भवं मुणी ? मुणिए ? 'उदाह जूयासेज्जायरए ?'' तए णं से वेसियायणे बालतवस्सी तुम दोच्चं पि तच्चं पि एवं वत्त समार्ण ग्रासूरुत्त जाव पच्चीसक्कोत, पच्चीसक्कित्ता तव वहाए सरीरगंसि तेयलेस्सं निस्सिरइ । तए णं अहं गोसाला! तव अणकपणट्याए वेसियायणस्स बालतवस्सिस्स उसिणतेयपडिसाहरणट्ठयाए एत्थ णं अंतरा सीयलियं तेयलेस्सं निसिरामि, 'जाए सा ममं सीयलियाए तेयलेस्साए वेसियायणस्स बालतवस्सिस्स उसिणा तेयलेस्सा पडिहया। तए णं से वेसियायणे बालतवस्सी ममं सीयलियाए तेयलेस्साए साउसिणं तेयलेस्सं° पडिहयं जाणित्ता तव य सरीरगस्स किचि ग्राबाहं वा वाबाहं वा छविच्छेदं वा अकीरमाणं
१. तेयपडि ° (क, म); सा तेय ° (ख, ब, स);
साउसिगतेय ० (ता); अत्र अनेके पाठभेदा दृश्यन्ते । शीतलतेजोलेश्यासन्दर्भे 'उसिण' पदमावश्य कमस्ति । ६८ सूत्रे अस्यैव प्रस- ङ्गस्य पुनरुक्तौ 'ता' प्रती 'उसिणतेय' इति पाठो दृश्यते । तेनापि 'उसिण' पदस्य पु ष्टिर्जायते।
२. उसुणा (क, ख, ता, ब); साउसिणा (स)। ३. तं उसिणं (अ, ता); सीओसिरणं (स)। ४. एसे (ख, ता, ब)। ५. जाव सेज्जायरए (अ, क, ख, ता, ब, स)। ६. सायतेय ° (अ, ख, ब); तेय (क, म);
सीओसिणतेय° (स)। ७. सं० पा०-निसिरामि जाव पडिहयं ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |