Page Text
________________
पन्नरसम सतं
अभिसमण्णागए, तं निस्संदिद्ध' णं एत्थ ममं धम्मायरिए धम्मोवदेसए समणे भगवं महावीरे भविस्सतीति कटु कोल्लाए सण्णिवेसे सब्भितरबाहिरिए' मम सव्वनो समंता मग्गण-गवेसणं करेइ, ममं सव्वनो' 'समंता मग्गण-गवेसणं ' करेमाणे 'कोल्लागस्स सण्णिवेसस्स'' बहिया पणियभूमीए मए सद्धि अभिसम
ण्णागए ॥ ५४. तए णं से गोसाले मंखलिपुत्ते हटतुट्टे ममं तिक्खुत्तो पायाहिण-पयाहिणं' 'करेइ,
करेत्ता ममं वंदइ नमसइ, वंदित्ता नमंसित्ता एवं वयासी-तुब्भे णं भंते !
मम धम्मायरिया, अहण्णं तुब्भं अंतेवासी।। ५५. तए णं अहं गोयमा ! गोसालस्स मंखलिपुत्तस्स एयमटुं पडिसुणेमि ।। ५६. तए णं अहं गोयमा ! गोसालेणं मंखलिपुत्तेणं सद्धि पणियभूमीए छव्वासाई
लाभं अलाभं सुहं दुक्खं सवकारमसक्कारं पच्चणुब्भवमाणे अणिच्चजागरियं'
विहरित्था ॥ तिलथंभय-पदं ५७. तए णं अहं गोयमा ! अण्णया कदायि पढमस रदकालसमयंसि अप्पट्टिकायंसि
गोसालेणं मखलिपुत्तेणं सद्धि सिद्धत्थगामाप्रो नगरानो कुम्मगाम नगरं संपट्ठिए विहाराए। तस्स णं सिद्धत्थगामस्स नग रस्स कुम्मगामस्स नगरस्स य अंतरा, एत्थ णं महं एगे तिलथंभए पत्तिए पुप्फिए हरियगरेरिज्जमाणे सिरीए अतीवअतीव उवसोभेमाणे-उवसोभेमाणे चिट्ठइ ।। तए णं से गोसाले मंखलिपुत्ते तं तिलथं भगं पासइ, पासित्ता ममं वंदइ नमसइ, वंदित्ता नमंसित्ता एवं वयासी-एस णं भंते ! तिलथं भए कि निप्फज्जिस्सइ नो निप्फज्जिस्सइ ? एए य सत्त तिलपुप्फजीवा उद्दाइत्ता-उद्दाइत्ता कहिं गच्छिहिंति ? कहिं उववज्जिहिंति ? तए णं अहं गोयमा ! गोसालं मंखलिपुत्तं एवं वयासी—गोसाला ! एस णं तिलयं भए निप्फज्जिस्सइ, नो न निप्फज्जिस्सइ। एते य सत्ततिलपुप्फजीवा उद्दाइत्ता-उद्दाइत्ता एयस्स चेव तिलथंभगस्स एगाए तिलसंगलियाए सत्त तिला
पच्चायाइस्संति ॥ ५६. तए णं से गोसाले मंखलिपुत्ते ममं एवं प्राइक्खमाणस्स एयमद्रं नो सद्दहइ, नो
पत्तियइ, नो रोएइ, एयमटुं असद्दहमाणे, अपत्तियमाणे, अरोएमाणे, ममं पणिहाए'
५८.
१. निस्संदिद्ध (ख, म); निस्सदिद्ध (स)। २. एत्थं (अ, ता, ब, म)। ३. सभंतर° (अ, ख)। ४. सं० पा० -सबओ जाव करेमारणे । ५. कोल्लागसण्णिवेसस्स (अ, स)।
६. सं० पा.----पयाहिणं जाव नमंसित्ता । ७. कुर्वन्निति वाक्यशेषः (व)। ८. ° सुग° (ता)। ६. परिणहाय (ता)।
Jain Education International
www.jainelibrary.org
For Private & Personal Use Only
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |