Page Text
________________
पन्नरसमं सतं
नालंद बाहिरियं मज्भंमज्भेणं निग्गच्छामि, निग्गच्छित्ता जेणेव तंतुवायसाला तेणेव उवागच्छामि, उवागच्छिता चउत्थं मासखमणं उवसंपज्जित्ताणं विहरामि ॥
४५. तीसे णं नालंदा बाहिरियाए अदूरसामंते, एत्थ णं कोल्लाए नामं सण्णिवेसे होत्था सण्णिवेसवण्णत्रो' । तत्थ णं कोल्लाए सण्णिवेसे बहुले नाम माहणे परिवसइ -ग्रड्ढे जाव बहुजणस्स अपरिभूए, रिउव्वेय जाव' बंभण्णएसु परिव्वायएस य नयेसु सुपरिनिट्टिए यावि होत्था ||
४६. तए णं से बहुले माहणे कत्तियचाउम्मा सियपाडिवगंसि विउलेणं महुघयसंजुत्तेणं
परमण्णेणं माहणे श्रायामेत्था ॥
६६३
४७. तए णं अहं गोयमा ! उत्थ- मासखमणपारणगंसि तंतुवायसालाओ पडिनिक्खिमामि, पडिनिक्खमित्ता नालंदं बाहिरियं मज्भंमज्भेणं निग्गच्छामि, निग्गच्छित्ता जेणेव कोल्लाए सष्णिवे से तेणेव उवागच्छामि, उवागच्छित्ता कोल्लाए सणिवेसे उच्च-नीय' - मज्झिमाई कुलाई घरसमुद्राणस्स भिक्खायरियाए प्रमाणे बहुलस्स माहणस्स हिं अणुष्पविट्टे ||
४८. तए णं से बहुले माहणे ममं एज्जमाणं पासइ, पासित्ता हतुचित्तमाणंदिए दिए पीइमणे परमसोमणस्सिए हरिसवसविसप्पमाणहियए खिप्पामेव ग्रासणा अभइ, ग्रभत्ता पायपीढाओ पच्चोरुहइ, पच्चोरुहित्ता पाउयात्रो
मुइ, प्रमुत्ता एगसाडियं उत्तरासंगं करेइ, करेत्ता अंजलिमउलियहत्थे ममं सत्तट्टयाई अणुगच्छइ, अणुगच्छित्ता ममं तिक्खुत्तो याहिण-पयाहिणं करेइ, करेत्ता ममं वंदइ नमसइ, वंदित्ता नमसित्ता ममं विउलेणं महुघयसंजुत्तेणं परमण्णेणं पडिला भेस्सामित्ति तुट्ठ, पडिलाभेमाणे वि तुट्ठे, पडिलाभिते विट्ठे ॥
४६. तए णं तस्स बहुलस्स माहणस्स तेणं दव्वसुद्धेणं दायगसुद्धेणं पडिगाहग सुद्धेणं तिविणं तिकरणसुद्धे दाणेणं मए पडिलाभिए समाणे देवाउए निवद्धे, संसारे परित्तीकए, गिहंसि य से इमाई पंच दिव्वाई पाउन्भूयाई, तं जहा - वसुधारा बुट्टा, दसद्धवणे कुसुमे निवातिए, चेलुक्वेवे कर आया देवदुंदुभीश्रो, अंतरा वि य णं श्रागासे ग्रहो दाणे, ग्रहो दाणे त्ति घुट्टे ॥ ५०. तए णं रायगिहे नगरे सिंघाडग-तिग- चउक्क-चच्चर- चउम्मुह- महापह-पहेसु
१. भ० १५।१५ ।
२. भ० २।६४ |
३. भ० २।२४
४. सं० पा०—नीय जाव अडमाणे ।
Jain Education International
५. सं० पा० -- तहेव जाव ममं विउलेणं महुघयसंजुत्ते परमण्णेणं पडिलाभेस्सामीति तुट्टे सेसं जहा विजयस्स जाव बहुले माहरणे २ ।
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |