Page Text
________________
भगवई
दिए पी मणे परमसोमणस्सिए हरिसवसविसप्पमाणहियए खिप्पामेव आसणाम्रो प्रभु प्रभुत्ता पायपीढाम्रो पच्चोरुहइ, पच्चो रुहित्ता पाउयाओ मु, मुत्ता एगसाडियं उत्तरासंगं करेइ, करेत्ता अंजलिमउलियहत्थे ममं सत्तट्टयाई अणुगच्छइ, अणुगच्छित्ता ममं तिक्खुत्तो प्रायाहिण-पयाहिणं करेइ, करेत्ता ममं वंदइ नमसइ, वंदित्ता नमसित्ता ममं विउलेणं सव्वकामगुणिएणं भोयणं पडिला भेस्सामित्ति तुटु, पडिला भेमाणे वि तुट्ठे, पडिलाभिते वि तुट्ठे ॥ ४०. तए णं तस्स सुणंदस्स गाहावइस्स तेणं दव्वसुद्धेणं दायगसुद्धेणं पडिगाहगसुद्वेणं तिविणं तिकरणसुद्धेणं दाणेणं मए पडिलाभिए समाणे देवाउए निवद्धे, संसारे परितीकए, हिंसि य से इमाई पंच दिव्वाई पाउब्भुयाई, तं जहा - वसुधारा वुट्टा, दसवणे कुसुमे निवातिए, चेलुक्वेवे कए, ह्या देवदुंदुभीश्रो, अंतरावि य णं आगासे ग्रहो दाणे, ग्रहो दाणे त्ति घुट्ठे ॥ ४१. तए णं रायगिहे नगरे सिंघाडग-तिग- चउक्क चच्चर- चउम्मुह- महापहपसु बहुजणो ग्रण्णमण्णस्स एवमाइक्खर एवं भासइ एवं पण्णवेइ एवं परूवेइ-धन्ने णं देवाणुप्पिया ! सुगंदे गाहावई, कयत्थे णं देवाणुप्पिया ! सुदे गाहावई, पुणे णं देवाणुप्पिया ! सुणंदे गाहावई, कयलक्खणे णं देवाप्पिया ! सुगंदे गाहावई, कया णं लोया देवाणुप्पिया ! सुनंदस्स गाहावइस्स, सुद्धे णं देवाणुप्पिया ! माणुस्सए जम्मजीवियफले सुणंदस्स गाहावइस्स, जस्स णं हिंसि तहारूवे साधू साधुरूवे पडिलाभिए समाणे इमाई पंच दिव्वाई पाउब्भूयाई, तं जहा - वसुधारा वुट्ठा जाव अहो दाणे, अहो दाणे त्ति घुट्टे, तं धन्ने कत्थे कयपुण्णे कयलक्खणे, कया णं लोया, सुलद्धे माणुस्सए जम्मजीवियफले सुदस्स गाहावइस्स, सुणंदस्स गाहावइस्स ॥ ४२. तए णं से गोसाले मंखलिपुत्ते बहुजणस्स अंतिए एयम सोच्चा निसम्म समुत्पन्नसंसए समुप्पन्नकोउहल्ले जेणेव सुणंदस्स गाहावइस्स गिहे तेणेव उवागच्छइ, उवागच्छित्ता पासइ सुणंदस्स गाहावइस्स गिहंसि वसुहारं वुटुं दसवणं कुसुमं निवडियं, ममं चणं सुगंदस्स गाहावइस्स गिहाम्रो पडिनिक्खमाणं पासइ, पासित्ता हट्टतुट्ठे जेणेव ममं ग्रंतिए तेणेव उवागच्छइ, उवागच्छित्ता ममं तिक्खुत्तो प्रायाहिण-पयाहिणं करेइ, करेत्ता ममं वंदइ नमसइ, वंदित्ता नमसित्ता ममं एवं वयासी तुम्भे णं भंते ! ममं धम्मायरिया, ग्रहणं तुभं धम्मंतेवासी ।
४३. तए णं अहं गोयमा ! गोसालस्स मंखलिपुत्तस्स एयमट्ठे नो आढामि, नो परिजानामि, तुसिणीए संचिट्ठामि ॥
६६२
चउत्थ- मासखमण-पद
४४. तए णं श्रहं गोयमा ! रायगिहाश्रो नगराम्रो पडिनिक्खमामि, पडिनिक्खमित्ता
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |