________________
चोद्दसमं सतं (छ8ो उद्देसो)
पंच जोयणसयाइं उड्ढं उच्चत्तेणं, अड्ढाइज्जाइं जोयणसयाइं विक्खंभेणं, अब्भुग्गय-मूसिय-पहसियमिव वण्णो जाव' पडिरूवं । तस्स णं पासायवडेंसगस्स उल्लोए पउमलयाभत्तिचित्ते जाव' पडिरूवे । तस्स णं पासायवडेंसगस्स अंतो बहुसमरमणिज्जे भूमिभागे जाव मणीणं फासो, मणिपेढिया अट्ठजोयणिया जहा वेमाणियाणं । तीसे णं मणिपेढियाए उवरि महं 'एगे देवसयणिज्जे" विउव्वइ, सयणिज्जवण्णो जाव' पडिरूवे । तत्थ णं से सक्के देविदे देवराया अट्ठहिं अग्गमहिसीहिं सपरिवाराहिं, दोहि य अणिएहिं-- नट्टाणिएण य गंधव्वाणिएण य सद्धि महयाहयनट्ट'- गीय-वाइय-तंती-तल-ताल-तुडिय-घणमुइंगपडुप्पवाइय
रवेणं दिव्वाइं भोगभोगाइं में जमाणे विहरइ। ७५. जाहे ईसाणे देविदे देवराया दिव्वाइं भोगभोगाइं भुजिउकामे भवइ से कहमि
याणि पकरेति ? जहा सक्के तहा ईसाणे वि निरवसेसं । एवं सणंकुमारे वि, नवरं--पासायवडेंसो छ जोयणसयाइं उड्ढं उच्चत्तेणं, तिण्णि जोयणसयाइं विक्खंभेणं, मणिपेढिया तहेव अट्ठजोयणिया। तीसे णं मणिपेढियाए उवरिं, एत्थ णं महेगं सीहासणं विउव्वइ, सपरिवारं भाणियव्वं । तत्थ णं सणंकुमारे देविदे देवराया बावत्तरीए सामाणियसाहस्सीहि जाव चउहि य बावत्तरीहिं आयरक्खदेवसाहस्सीहि य बहूहि सणंकुमारकप्पवासीहि वेमाणिएहिं देवे हि य देवीहि य सद्धि संपरिवडे महयाहयन जाव विहरइ । एवं जहा सणंकमारे तहा जाव पाणो अच्चुयो, नवरं-जो जस्स परिवारो सो तस्स भाणियव्वो"। पासायउच्चत्तं -जं सएसु-सएसु कप्पेसु विमाणाणं उच्चत्तं, अद्धद्धं वित्थारो जाव अच्चुयस्स नवजोयणसयाई उड्ढे उच्चत्तेणं, अद्धपंचमाइं जोयणसयाई विक्खंभेणं । 'तत्थ णं'१२ अच्चुए देविंदे देवराया दसहि सामाणियसाहस्सीहिं जाव
विहरइ, सेसं तं चेव ।। ७६. सेवं भंते ! सेवं भंते ! त्ति" ॥
१. राय० सू० १३७ । २. राय० सू० ३४ । ३. राय० सू० ३६ । ४. विभक्तिव्यत्ययेन 'एगं देवसयरिणज्जं'। ५. राय० सू० २४५। ६. अणिएहिं तं (अ)। ७. सं० पा०-महयाहयनद्र जाव दिव्वाई।
८. राय० सू० ३७-४४ । ६. प० २। १०. भ० १४।७४। ११. प०२। १२. भ० १११९४ । १३. एत्थ णं गो (अ)। १४. भ० ११५१ ।
Jain Education International
For Private & Personal Use Only
www.jainelibrary.org
