________________
६३६
भगवई
छट्ठो उद्देसो नेर इयादीणं किमाहारादि-पदं ७१. रायगिहे जाव' एवं वयासि-नेरइया णं भंते ! किमाहारा, किंपरिणामा,
किंजोणिया, किठितीया पण्णता? गोयमा ! नेरइया णं पोग्गलाहारा, पोग्गलपरिणामा, पोग्गलजोणिया, पोग्गलद्वितीया, कम्मोवगा, कम्मनियाणा, कम्मद्वितीया, कम्मुणामेव विप्परिया
समें ति । एवं जाव वेमाणिया ॥ ७२. नेरइया णं भंते ! किं वीचीदव्वाइं आहारेति ? अवीचीदव्वाइं आहारेंति ?
गोयमा ! नेरइया वीचीदव्वाइं पि आहारेंति, अवीचीदव्वाई पि आहारेति ॥ ७३. से केणद्वेणं भंते ! एवं वुच्चइ-नेरइया वीची दवाई पि आहारेंति, अवीची
दव्वाइं पि° पाहारेति ? गोयमा ! जे णं नेरइया एगपएसूणाई पि दव्वाइं आहारेति, ते णं नेरइया वीचीदव्वाइं पाहारेंति, जे णं नेरइया पडिपुण्णाई दव्वाइं आहारेंति, ते णं नेरइया अवीचीदव्वाइं आहारेति । से तेणद्वेणं गोयमा ! एवं वुच्चइ'नेरइया वीचीदव्वाइं पि अाहारेंति, अवीचीदव्वाइं पि° आहारेति । एवं
जाव वेमाणिया ।। देविदाणं भोग-पदं ७४. जाहे णं भंते ! सक्के देविदे देवराया दिव्वाइं भोगभोगाई भुं जिउकामे भवइ
से कहमियाणि पकरेति ? गोयमा ! ताहे चेव णं से सक्के देविदे देवराया एगं महं नेमिपडिरूवगं विउव्वइ–एगं जोयणसयसहस्सं आयामविक्खंभेणं, तिण्णि जोयणसयसहस्साई जाव अद्धंगुलं च किंचिविसेसाहियं परिक्खेवेणं । तस्स णं नेमिपडिरूवगस्स" उरि" बहुसमरमणिज्जे भूमिभागे पण्णते जाव मणीणं फासो। तस्स णं नेमिपडिरूवगस्स बहुमज्झदेसभागे, एत्थ णं महं एगं पासायवडेंसगं विउव्वइ
१. भ. ११४-१०। २. किजोणीया (अ, ब, म)। ३. कम्मणामेव (ब)। ४. वीचि (अ, क, ख, ब, म, स)। ५. सं० पा०-तं चेव जाव आहारेति । ६. सं० पा०-वुच्चइ जाव आहारेति । ७. •णिया आहारेंति (स)।
८. भोजिउकामे (ख); भुंजउंकामे (स)। ६. भ० ६७५ । १०. नेमिरूवस्स (ख, ता, ब)। ११. अवरि (ख, ता, म); अवरि (ब)। १२. राय० सू० २४-३१ । १३. तत्थ (अ, क, ता, ब, म, स)।
Jain Education International
For Private & Personal Use Only
www.jainelibrary.org
