Page Text
________________
६१४
भगवई
जाव' चउविहेणं अलंकारेणं अलंकारिए समाणे पडिपुण्णालंकारे सीहासणाओ अब्भुढेइ, अब्भुढेत्ता सीयं अणुप्पदाहिणीकरेमाणे सीयं दुरुहइ, दुरुहित्ता सीहासणवरंसि पुरत्थाभिमुहे सण्णिसण्णे, तहेव' अम्मधाती, नवरं पउमावती हंसलक्खणं पडसाडगं गहाय सीयं अणुप्पदाहिणीकरेमाणी सीयं दुरुहइ, दुरुहित्ता उहायणस्स रण्णो दाहिणे पासे भद्दासणवरंसि सण्णिसण्णा सेसं तं चेव जाव' छत्तादीए तित्थगरातिसए पासइ, पासित्ता परिससहस्सवाहिणि सीयं ठवेड पुरिससहस्सवाहिणीओ सीयारो पच्चोरुभइ, पच्चोरुभित्ता जेणेव समणे भगवं महावीरे तेणेव उवागच्छइ, उवागच्छित्ता समणं भगवं महावीरं तिक्खुत्तो वंदइ नमसइ, वंदित्ता नमंसित्ता उत्तरपुरत्थिमं दिसीभागं अवक्कमइ, अवक्कमित्ता
सयमेव ग्राभरणमल्लालंकारं ११८. "'तए णं सा पउमावती देवी हंसलक्खणेणं पडसाडएणं आभरणमल्लालंकारं
पडिच्छइ, पडिच्छित्ता हार-वारिधार-सिंदुवार-छिन्न-मुत्तावलि-प्पगासाइं अंसूणि विणिम्मुयमाणी-विणिम्मुयमाणी उद्दायणं रायं एवं वयासी-जइयव्वं सामी ! घडियव्वं सामी ! परक्कमियव्वं सामी ! अस्सि च णं अट्टे नो पमादेयव्वं त्ति कट्ट केसी राया पउमावती य समणं भगवं महावीरं वदंति नमसंति,
वंदित्ता नमंसित्ता जामेव दिसं पाउन्भुया तामेव दिसं° पडिगया । ११६. तए णं से उद्दायणे राया सयमेव पंचमुट्ठियं लोयं करेइ सेसं जहा उसभदत्तस्स
जाव' सव्वदुक्खप्पहीणे ॥ १२०. तए णं तस्स अभीयिस्स कुमारस्स अण्णदा कदाइ पुव्वरत्तावरत्तकालसमयंसि
कुडुबजागरियं जागरमाणस्स अयमेयारूवे अज्झथिए 'चितिए पत्थिए मणोगए संकप्पे समप्पज्जित्था-एवं खल अहं उहायणस्स पत्ते पभावतीए देवीए अत्तए.तए णं से उद्दायणे राया ममं अवहाय नियगं भाइणेज्ज केसि कुमारं रज्जे ठावेत्ता समणस्स भगवओ 'महावीरस्स अंतियं मुंडे भवित्ता अगाराो अणगारियं पव्वइए-इमेणं एयारूवेणं महया अप्पत्तिएणं मणोमाणसिएणं दुक्खेणं अभिभूए समाणे अंतेउरपरियालसंपरिवुडे सभंडमत्तोवगरणमायाए वीतीभयानो नयरामो निग्गच्छइ, निग्गच्छित्ता पुव्वाणुपुव्वि चरमाणे गामाणुगामं दूइज्जमाणे जेणेव चंपा नयरी, जेणेव कूणिए राया, तेणेव उवागच्छइ, उवागच्छित्ता कूणियं रायं
१. भ. ६।१६०-१६२ । २. भ०६।१६३, १६४ । ३. भ. ६।१९५-२०६। ४. सं० पा०-तं चेव पउमावती पडिच्छइ
जाव घडियब्वं सामी! जाव नो।
५. सं. पा.-नमंसित्ता जाव पडिगया। ६. भ० ६।१५०,१५१ । ७. सं० पा०-अज्झथिए जाव समुप्पज्जित्था । ८. सं० पा०-भगवओ जाव पव्वइए।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |