Page Text
________________
६१२
भगवई
मेयं भंते ! ०.-से जहेयं तुब्भे वदह त्ति कटु जं नवरं-देवाणुप्पिया ! अभीयिकुमारं रज्जे ठावेमि, तए णं अहं देवाणुप्पियाणं अंतिए मुंडे भवित्ता'
अगाराओ अणगारियं° पव्वयामि।
अहासुहं देवाणुप्पिया ! मा पडिबंधं ॥ १०६. तए णं से उद्दायणे राया समणेणं भगवया महावीरेणं एवं वुत्ते समाणे हद्वतुट्ठ
समणं भगवं महावीरं वंदइ नमसइ, वंदित्ता नमंसित्ता तमेव आभिसेक्कं हत्थि द्रुहइ', द्रुहित्ता समणस्स भगवग्रो महावीरस्स अंतियाओ मियवणानो उज्जाणाम्रो पडिनिक्खमइ, पडिनिक्खमित्ता जेणेव वीतीभये नगरे तेणेव पहारेत्थ गमणाए॥ तए णं तस्स उद्दायणस्स रण्णो अयमेयारूवे अज्झथिए चितिए पत्थिए मणोगए संकप्पे° समुप्पज्जित्था एवं खलु अभीयीकुमारे ममं एगे पुत्ते इट्ठे कंते 'पिए मणण्णे मणामे थेज्जे वेसासिए संमए बहमए अणमए भंडकरंडगसमाणे रयणे रयणब्भूए जीविऊसविए हिययनंदिजणणे उंबरपुप्फ पिव दुल्लभे सवणयाए°, किमंग पुण पासणयाए ? तं जदि णं अहं अभीयीकुमारं रज्जे ठावेत्ता समणस्स भगवओ महावीरस्स अंतियं मुंडे भवित्ता' "अगाराप्रो अणगारियं ° पव्वयामि, तो णं अभीयीकुमारे रज्जे य रटे य 'बले य वाहणे य कोसे य कोट्ठागारे य पुरे य अंतेउरे य ° जणवए य माणुस्सएसु य कामभोगेसु मुच्छिए गिद्धे गढिए अज्झोववन्ते अणादीयं प्रणवदग्गं दोहमद्धं चाउरंतसंसारकतारं अणुपरियट्टिस्सइ, तं नो खलु मे सेयं अभीयीकुमारं रज्जे ठावेत्ता समणस्स भगवनो महावीरस्स अंतियं मुंडे भवित्ता अगारानो अणगारियं पव्वइत्तए, सेयं खलु मे नियगं भाइणज्ज केसि कुमारं रज्जे ठावेत्ता समणस्स भगवनो •महावीरस्स अंतियं मुंडे भवित्ता अगाराप्रो अणगारियं० पव्वइत्तए-एवं संपेहेइ, संपेहेत्ता जेणेव वीयीभये नगरे तेणेव उवागच्छइ, उवागच्छित्ता वीयीभयं नगरं मज्झमझेणं जेणेव सए गेहे जेणेव बाहिरिया उवढाणसाला, तेणेव उवागच्छइ, उवागच्छित्ता प्राभिसेक्कं हत्थि ठवेइ, ठवेत्ता आभिसेक्कायो हत्थीयो पच्चोरुभइ, पच्चोरुभित्ता जेणेव सीहासणे तेणेव उवागच्छइ, उवागच्छित्ता सीहासणवरंसि पुरत्थाभिमुहे निसीयति, निसीइत्ता कोडुबियपुरिसे सद्दावेइ, सद्दावेत्ता एवं वयासी-खिप्पामेव भो देवाणुप्पिया ! वीयीभयं नगरं
१. सं० पा०-भवित्ता जाव पव्वयामि । २. दुहइ (ता)। ३. अब्भत्थिए (अ, ता, स); सं० पा.-
अज्झथिए जाव समुप्पज्जित्था । ४. सं० पाc--कते जाव किमंग ।
५. सं० पा०-भवित्ता जाव पव्वयामि । ६. सं० पा० ... रट्टे य जाव जणवए। ७. सं० पा० - भवित्ता जाव पव्वइत्तए । ८. सं० पा० --भगवओ जाव पव्वइत्तए।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |