Page Text
________________
तेरसमं सतं (छट्ठो उद्देसो)
समुप्पज्जित्था-धन्ना णं ते गामागर-नगर-खेड-कब्बड-मडंब-दोणमुह-पट्टणासम-संबाहसण्णिवेसा जत्थ णं समणे भगवं महावीरे विहरइ, धन्ना णं ते राईसर-तलवर'- माडंबिय-कोडुबिय-इब्भ-सेटि-सेणावइ ° -सत्थवाहप्पभितयो जे णं समणं भगवं महावीरं वदंति नमसंति जाव' पज्जुवासंति । जइ णं समणे भगवं महावीरे पुव्वाणुपुव्वि चरमाणे गामाणुगामं दूइज्जमाणे सुहंसुहेणं विहरमाणे इहमागच्छेज्जा. इह समोसरेज्जा, इहेव वीतीभयस्स नगरस्स बहिया मियवणे उज्जाणे अहापडिरूवं प्रोग्गहं प्रोगिण्हित्ता संजमेणं तवसा अप्पाणं भावेमाणे विहरेज्जा, तो णं अहं समणं भगवं महावीरं वंदेज्जा नमसेज्जा जाव पज्जुवा
सेज्जा ॥ १०५. तए णं समणे भगवं महावीरे उद्दायणस्स रणो अयमेयारूवं अज्झत्थियं
चिंतियं पत्थियं मणोगयं संकप्पं समुप्पन्नं वियाणित्ता चंपायो नगरीयो पुण्णभद्दामो चेइयानो पडिनिक्खमइ, पडिनिक्खमित्ता पुव्वाणुपुद्वि चरमाणे गामाणु गाम दूइज्जमाणे सुहंसुहेणं ° विहरमाणे जेणेव सिंधूसोवीरे जणवए जेणेव वीतीभये नगरे, जेणेव मियवणे उज्जाणे तेणेव उवागच्छइ, उवागच्छित्ता
जाव संजमेणं तवसा अप्पाणं भावेमाणे विहरइ ।। १०६. तए णं वीतोभये नगरे सिंघाडग-तिग-चउक्क-चच्चर-चउम्मुह-महापह-पहेसु
जाव परिसा पज्जुवासइ ॥ १०७. तए णं से उद्दायणे राया इमीसे कहाए लद्धढे समाणे हट्टतुढे कोडुबियपुरिसे
सद्दावेइ, सद्दावेत्ता एवं वयासो-खिप्पामेव भो देवाणुप्पिया ! वीयीभयं नगरं सभितरबाहिरियं जहा कूणिो अोववाइए जाव" पज्जुवासइ । पउमावती
पामोक्खाग्रो देवीग्रो तहेव जाव" पज्जुवासंति । धम्मकहा ॥ १०८. तए णं से उद्दायणे राया समणस्स भगवओ महावीरस्स अंतियं धम्म सोच्चा
निसम्म हट्टतुटे उट्ठाए उद्वे इ, उद्वेत्ता समणं भगवं महावीरं तिक्खुत्तो जावर नमंसित्ता एवं वयासी-एवमेयं भंते ! तहमेयं भंते ! 'अवितहमेयं भंते ! असंदिद्धमेयं भंते ! इच्छियमेयं भंते ! पडिच्छियमेयं भंते ! इच्छिय-पडिच्छिय
१. सं० पा०-तलवर जाव सत्थवाह । ८. भ०१७। २. ०प्पभिइओ (अ, स) ।
६. ओ० सू० ५२ । ३. भ० २।३०।
१०. ओ० सू० ५५-६६ । ४. सं० पा०-गामाणुगामं जाव विहरमाणे । ११. प्रो० सू० ७० । ५. सं० पा०-तवसा जाव विहरेज्जा। १२. भ० ११० । ६. सं० पा०-अज्झत्थियं जाव समुप्पन्न । १३. सं० पा०-भंते जाव से । ७. सं० पा० -गामाणु जाव विहरमाणे ।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |