Page Text
________________
बारसमं सतं (चउत्थो उद्देसो)
परमाणुपोग्गला, एगयो पंचपएसिए खंधे भवइ; अहवा एगयनो चत्तारि परमाणुपोग्गला, एगयो दुपएसिए खंधे, एगयो चउपएसिए खंधे भवइ ; अहवा एगयनो चत्तारि परमाणुपोग्गला, एगयो दो तिपएसिया खंधा भवंति ; अहवा एगयनो तिण्णि परमाणु पोग्गला, एगयो दो दुपएसिया खंधा, एगयो तिपएसिए खंधे भवइ; अहवा एगयो दो परमाणुपोग्गला, एगयनो चत्तारि दुपएसिया खंधा भवंति। सत्तहा कज्जमाणे एगयो छ परमाणपोग्गला, एगयनो चउप्पएसिए खंधे भवइ; अहवा एगयो पंच परमाणु पोग्गला, एगयो दुपए सिए खंधे, एगयो तिपएसिए खंधे भवइ; अहवा एगयो चत्तारि परमाणुपोग्गला, एगयओ तिण्णि दुपएसिया खंधा भवंति । अट्ठहा कज्जमाणे एगयनो सत्त परमाणुपोग्गला, एगयो तिपएसिए खंधे भवइ ; अहवा एगयनो छ परमाणुपोग्गला, एगयनो दो दुपएसिया खंधा भवंति । नवहा कज्जमाणे एगयनो अट्ठ परमाणुपोग्गला, एगयो दुपएसिए खंधे भवइ । दसहा कज्जमाणे दस परमाणुपोग्गला भवंति ।।। संखेज्जा णं भंते ! परमाणुपोग्गला एगयो साहण्णंति, साहणित्ता किं भवइ ? गोयमा ! संखेज्जपए सिए खंधे भवइ । से भिज्जमाणे दुहा वि जाव दसहा वि संखेज्जहा वि कज्जइ–दुहा कज्जमाणे एगयो परमाणुपोग्गले, एगयो संखेज्जपएसिए खंधे भवइ; अहवा एगयओ दुपएसिए खंधे, एगयनो संखेज्जपएसिए खंधे भवइ ; एगयओ तिपएसिए खंधे, एगयनो संखेज्जपएसिए खंधे भवइ; एवं जाव अहवा एगयो दसपएसिए खंधे, एगयो संखेज्जपएसिए खंधे भवइ; अहवा दो संखेज्जपएसिया खंधा भवंति । तिहा कज्जमाणे एगयनो दो परमाणुपोग्गला, एगयनो संखेज्जपएसिए खंधे भवइ; अहवा एगयो परमाणुपोग्गले ; एगयो दुपएसिए खंधे, एगयो संखेज्जपएसिए खंधे भवइ; अहवा एगयनो परमाणुपोग्गले, एगयो तिपएसिए खंधे, एगयो संखेज्जपएसिए खंधे भवइ ; एवं जाव अहवा एगयनो परमाणुपोग्गले, एगयनो दसपएसिए खंधे, एगयो संखेज्जपएसिए खंधे भवइ; अहवा एगयओ परमाणुपोग्गले, एगयो दो संखेज्जपएसिया खंधा भवंति ; अहवा एगयओ दुपएसिए खंधे, एगयो दो संखेज्जपएसिया खंधा भवंति; एवं जाव अहवा एगयो दसपएसिए खंधे, एगयओ दो संखेज्जपएसिया खंधा भवंति; अहवा तिण्णि संखेज्जपएसिया खंधा भवंति । चउहा कज्जमाणे एगयओ तिण्णि परमाणुपोग्गला, एगयो संखेज्जपएसिए खंधे भवइ ; अहवा एगयो दो परमाणुपोग्गला, एगयो दुपएसिए खंध, एगयओ संखेज्जपएसिए खंधे भवइ ; अहवा एगयो दो परमाणुपोग्गला, एगयो तिप्पएसिए खंधे, एगयो संखेज्जपएसिए खंधे भवइ; एवं जाव अहवा एगयो दो परमाणुपोग्गला, एगयनो दसपएसिए
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |