Page Text
________________
भगवई
जयंती ! जे इमे जीवा धम्मिया जाव धम्मेणं चेव वित्ति कप्पेमाणा विहरंति, एएसि णं जीवाणं बलियत्तं साहू । एए णं जीवा बलिया समाणा बहूणं पाणाणं भूयाणं जीवाणं सत्ताणं अदुक्खणयाए जाव अपरियावणयाए वट्ठति। एए णं जीवा बलिया समाणा अप्पाणं वा परं वा तदुभयं वा बहूहि धम्मियाहिं संजोयणाहिं संजोएत्तारो भवंति । एएसि णं जीवाणं बलियत्तं साहू । से तेणटेणं जयंती ! एवं वुच्चइ- 'अत्थेगतियाणं जीवाणं बलियत्तं साहू, अत्थेगतियाणं
जीवाणं दुब्बलियत्तं ° साहू। ५७. दक्खत्तं भंते ! साहू ? आलसियत्तं साहू ?
जयंती ! अत्थेगतियाणं जीवाणं दक्खत्तं साहू, अत्थेगतियाणं जीवाणं पाल
सियत्तं साहू ॥ ५८. से केणटेणं भंते ! एवं वुच्चइ- अत्थेगतियाणं जीवाणं दक्खत्तं साहू, अत्थे
गतियाणं जीवाणं पालसियत्तं० साहू ? जयंती ! जे इमे जीवा अहम्मिया जाव अहम्मेणं चेव वित्ति कप्पेमाणा विहरंति, एएसि णं जीवाणं पालसियत्तं साहू । एए णं जीवा आलसा' समाणा नो बहूणं "पाणाणं भूयाणं जीवाणं सत्ताणं दुक्खणयाए जाव परियावणयाए वटुंति । एए णं जीवा पालसा समाणा अप्पाणं वा परं वा तदुभयं वा नो बहूर्हि अहम्मियाहिं संजोयणाहिं संजोएत्तारो भवंति । एएसि णं जीवाणं आलसियत्तं साहू। जयंति ! जे इमे जीवा धम्मिया जाव धम्मेणं चेव वित्ति कप्पेमाणा विहरंति, एएसिणं जीवाणं दक्खत्तं साहू। एए णं जीवा दक्खा समाणा बहणं पाणाणं भूयाणं जीवाणं सत्ताणं अदुक्खणयाए जाव अपरियावणयाए वटुंति । एए णं जीवा दक्खा समाणा अप्पाणं वा परं वा तदुभयं वा बहूहिं धम्मियाहिं संजोयणाहिं संजोएत्तारो भवंति । एए णं जीवा दक्खा समाणा बहूहिं पायरियवेयावच्चेहि उवज्झायवेयावच्चेहि थेरवेयावच्चेहिं तवस्सिवेयावच्चेहिं गिलाणवेयावच्चेहिं सेहवेयावच्चेहिं कुलवेयावच्चेहिं गणवेयावच्चेहिं संघवेयावच्चेहि साहम्मियवेयावच्चेहिं अत्ताणं संजोएत्तारो भवंति, एएसि णं जीवाणं दक्खत्तं साहू । से ते णद्वेणं "जयंती ! एवं वुच्चइ-अत्थेगतियाणं जीवाणं दक्खत्तं साहू, अत्थेगतियाणं जीवाणं पालसियत्तं° साहू ॥
१. सं० पा०-तं चेव जाव साहू।
भाणियव्वा, जहा जागरा तहा दक्खा २. सं० पा०-तं चेव जाव साहू।
भाणियव्वा जाव संजोएत्तारो। ३. अलसा (अ, ब)।
५. वेदावच्चेहिं (अ, ब)। ४. सं० पा०-जहा सुत्ता तहा आलसा ६. सं० पा०-तं चेव जाव साहू।
For Private & Personal Use Only
www.jainelibrary.org
Jain Education International
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |