Page Text
________________
बारसमं सतं (बीओ उद्देसो)
५४६ रंति, एएसि णं जीवाणं सुत्तत्तं साहू । एए णं जीवा सुत्ता समाणा नो बहणं पाणाणं भूयाणं जीवाणं सत्ताणं दुक्खणयाए सोयणयाए 'जूरणयाए तिप्पणयाए पिट्टणयाए° परियावणयाए वट्ठति । एए णं जीवा सुत्ता समाणा अप्पाणं वा परं वा तदुभयं वा नो बहूहिं अहम्मियाहिं संजोयणाहिं संजोएत्तारो भवंति एएसि णं जीवाणं सुत्ततं साहू। जयंती ! जे इमे जीवा धम्मिया धम्माणुया' धम्मिट्ठा धम्मक्खाई धम्मपलोई धम्मपलज्जणा धम्मसमुदायारा° धम्मेणं चेव वित्ति कप्पेमाणा विहरंति, एएसि णं जीवाणं जागरियत्तं साहू । एए णं जीवा 'जागरा समाणा" बहणं पाणाणं' 'भूयाणं जीवाणं ° सत्ताणं अदुक्खणयाए 'असोयणयाए अजरणयाए अतिप्पणयाए अपिट्टणयाए ° अपरियावणयाए वट्ठति । एएणं जीवा जागरा समाणा अप्पाणं वा परं वा तदुभयं वा बहूहि धम्मियाहिं संजोयणाहिं संजोएत्तारो भवंति । एए णं जीवा जागरा समाणा धम्मजागरियाए अप्पाणं जागरइत्तारो भवंति । एएसि णं जीवाणं जागरियत्तं साहू । से तेणद्वेणं जयंती ! एवं वच्चइ-अत्थेगतियाणं जीवाणं सुत्तत्तं साहू, अत्थेगतियाणं जीवाणं जागरियत्तं
साहू॥ ५५. बलियत्तं भंते ! साहू ? दुब्बलियत्तं साह ?
जयंती ! अत्यंगतियाणं जीवाणं बलियत्तं साहू, अत्थेगतियाणं जीवाणं दुब्बलियत्तं साहू॥ से केणट्रेण भंते ! एवं वुच्चइ - 'अत्थेगतियाणं जीवाणं बलियत्तं साह, अत्थेगतियाणं जीवाणं दुब्बलियत्तं° साहू ? । जयंती ! जे इमे जीवा अहम्मिया जाव अहम्मेणं चेव वित्ति कप्पेमाणा विहरंति, एएसि णं जीवाणं दुब्बलियत्तं साहू । एए णं जीवा "दुब्बलिया समाणा नो बहणं पाणाणं भूयाणं जीवाणं सत्ताणं दुक्खणयाए जाव परियावणयाए वटंति । एए णं जीवा दुब्बलिया समाणा अप्पाणं वा परं वा तदुभयं वा नो बहहिं अहम्मियाहिं संजोयणाहिं संजोएत्तारो भवंति। एएसि णं जीवाणं दुब्बलियत्तं साहू।
१. सं०पा०-सोयरणयाए जाव परियावणयाए। २. सं० पा०-धम्मारण्या जाव धम्मेणं । ३. जागरमारणा (अ, क, ख) । ४. सं० पा०-पारगाणं जाव सत्ताणं । ५. सं० पा०-अदुक्खणयाए जाव अपरियावण
याए।
७. सं० पा०-वुच्चइ जाव साह । ८. भ० १२।५४ । ९. सं० पा०-एवं जहा सुत्तस्स तहा दुब्बलिय
वत्तव्वया भारिणयव्वा, बलियस्स जहा जागरस्स तहा भाणियव्वं जाव संजोएत्तारो।
Jain Education International
For Private & Personal Use Only
www.jainelibrary.org
| SR No. | 003552 |
| Book Title | Angsuttani Part 02 - Bhagavai |
| Original Sutra Author | N/A |
| Author | Tulsi Acharya, Nathmalmuni |
| Publisher | Jain Vishva Bharati |
| Publication Year | 1975 |
| Total Pages | 1158 |
| Language | Prakrit |
| Classification | Book_Devnagari, Agam, Canon, & agam_bhagwati |
| File Size | 19 MB |